Bilong Wanem Yumi Save Dai?

8 God Jehova i laik bai man i mekim olgeta hap graun i kamap gutpela​—⁠wanpela paradais olgeta i ken amamas long en.​—⁠Stat 1:28

Sapos Adam tupela Iv i bihainim tok bilong Jehova bai ol manmeri inap i stap oltaim. God i tambuim tupela long kaikai pikinini bilong diwai bilong mekim man i ken save wanem samting i gutpela na wanem samting i nogut.​—⁠Stat 2:15-17

9 Tasol wanpela ensel i go nogut na long rot bilong wanpela snek em i kirapim Adam tupela Iv long bikhet long God.​—⁠Stat 3:1-6

10 Dispela ensel i giamanim Iv ‘em i dispela snek bilong bipo yet ol i kolim em Satan.’​—⁠Kamapim Tok Hait 12:9

11 Jehova i rausim dispela tupela bikhetman long Paradais.​—⁠Stat 3:23, 24

12 Adam tupela Iv i kamapim sampela pikinini, tasol dispela famili olgeta ol i no amamas.​—⁠Stat 3:17, 18

13 Ol i go lapun na ol i dai, olsem Jehova i tok pinis.​—⁠Stat 3:19; Rom 5:12

14 Ol i dai olsem ol animal.

Olgeta samting long graun i gat laip, ol i save dai.​—⁠Saveman 3:18-20; Esekiel 18:4