HAP 8

Dai Bilong Jisas i Mekim Wanem Long Yu?

Jisas i dai na bai yumi ken kisim laip. Jon 3:16

Inap 3-pela de bihain long Jisas i dai, sampela meri i go lukim matmat bilong em, tasol Jisas i no stap long en. Jehova i bin kirapim bek Jisas.

Jesus appears to his apostles, then later ascends to heaven

Bihain Jisas i kamap long ai bilong ol aposel.

Yes, Jehova i bin kirapim bek Jisas na em i kamap wanpela strongpela spirit i no inap i dai. Ol disaipel i bin lukim Jisas i go antap long heven.

God i bin kirapim bek Jisas na mekim em i kamap King long Kingdom Bilong God. Daniel 7:13, 14

From his throne in the Kingdom, Jesus rules over the people on a paradise earth

Jisas i lusim laip bilong em bilong givim pe bilong baim bek ol man. (Matyu 20:28) Long rot bilong dispela pe, God i stretim rot bilong yumi ken i stap oltaim.

Jehova i makim Jisas bilong kamap King i bosim graun. Bai i gat 144,000 gutpela manmeri i mekim wok king wantaim em. Bipo ol i bin stap long graun na God i kirapim bek ol na ol i kisim laip long heven. Jisas na dispela lain 144,000 bai kamapim wanpela gutpela gavman long heven—em Kingdom Bilong God.—Revelesen 14:1-3.

Kingdom Bilong God bai mekim graun i kamap wanpela paradais. Woa, pasin raskol, stap rabis, na hangre bai i no stap moa. Ol manmeri bai stap amamas tru.—Song 145:16.