Jehova i Save Harim Prea Bilong Yumi?

God i save harim ol prea bilong yumi. 1 Pita 3:12

Jehova em i Man bilong “harim beten” bilong yumi. (Song 65:2) Em i laik bai yumi kamapim bel na tingting bilong yumi long em.

Prea long Jehova tasol, ol narapela nogat.

Yumi ken prea long planti samting. 1 Jon 5:14

Prea na askim God long kamapim laik bilong em long heven na long graun.

Prea long nem bilong Jisas bilong soim olsem yu pilim tru samting em i bin mekim bilong helpim yu.

Askim Jehova long helpim yu long mekim gutpela pasin. Yu ken prea tu bilong kisim helpim long sait bilong kaikai, wok mani, haus, klos, na helt.