Kamapim Klia Mining Bilong Skripsa

Jon 10:33-36

OL BIKPELA TOK: No ken ritim tasol wanpela skripsa na bihain kalap i go long neks poin. Yu mas mekim na bai man i harim tok bilong yu i luksave long olsem wanem skripsa yu ritim i stret wantaim tok yu mekim.

ROT BILONG MEKIM:

• Kolim ol bikpela tok tasol. Taim yu ritim pinis wanpela skripsa, kolim ol bikpela tok bilong en i kamapim stret samting yu toktok long en. Yu ken mekim olsem long rot bilong kolim gen ol bikpela tok bilong skripsa o kamapim wanpela askim bilong helpim ol man i harim tok bilong yu long luksave long ol dispela bikpela tok.

• Kamapim klia bikpela tok. Sapos yu kolim wanpela skripsa na kamapim klia risen na yu laik ritim dispela skripsa, orait stori long olsem wanem ol bikpela tok bilong dispela skripsa i sapotim dispela risen.

• Kamapim ol tok i no hatwok long kisim. Abrusim pasin bilong stori long ol samting i no sapotim bikpela tok bilong skripsa. Tingim ol samting em man i putim yau long tok bilong yu i save pinis long samting yu laik stori long en, na nau yu inap save long wanem ol samting em yu ken stori long en, na bai ol tok bilong yu i klia na man inap kisim gut.