Nambawan Presen God i Givim

[Blok long pes 22]

God i sori tru long ol manmeri, em ol i karim pen na hevi. Olsem na em i givim nambawan gutpela samting bilong em, pren tru bilong em, dispela “saveman i bosim wok” na em i bin wok wantaim God long wokim olgeta samting, em God i save “amamas” long em oltaim, God i givim em bilong helpim ol man. God i salim dispela Pikinini bilong heven, em namba wan Pikinini bilong em, em i kam daun long graun. Em i karim olgeta sem na hevi Seten wantaim lain bilong Seten i putim long em. Dispela Pikinini bilong God em i gutpela man olgeta na em i no pundaun long traim. Maski wanem wanemn kain traim i painim em, i dai tu, tasol em i stap gut long God, em i King. Em i “givim laip bilong em bilong baim bek” planti manmeri em ol i gat sin, tasol ol i bilip long em. (Provep 8:30; Matyu 20:28) Olsem na Jisas i tok long ol disaipel bilong em, bilong “liklik lain” na bilong ‘bikpela lain’ tu, na em i tok “Mi givim ol laip i stap gut oltaim oltaim. Na bai ol i no lus.” Bikpela hap lain bilong ol dispela “sipsip” ol i mas kirap bek bambai ol inap kisim dispela laip. (Luk 12:32; Jon 10:16, 28, 5:28, 29) God i marimari tru long yumi ol manmeri! Sapos yumi sakim dispela gutpela pasin sori bilong God, i stret em i mas bekim pe nogut long yumi!

This box is a partial article of w81 1/15-E