Tru Baibel Em i Presen Bilong God?

“MI TING Baibel em i nambawan gutpela presen God i bin givim long ol man.” Namba 16 presiden bilong Amerika (Abraham Lincoln) i bin tok olsem.a Ol narapela man tu i save laikim tumas dispela buk bilong bipo tru.

Wanpela bikman bilong gavman long Inglan long yia 1850 samting (William E. Gladstone) em i tok: “Ol samting bilong Baibel i kamapim klia tru olsem As bilong en i Narapela Kain, na em i narapela kain tru long olgeta narapela buk.” Na wanpela bikman bilong gavman long Amerika long yia 1750 samting (Patrick Henry) em i tok: “Baibel em i gutpela buk tru, winim olgeta narapela buk.” Wanpela king bilong Frans (Napoléon Bonaparte) em i tok, ‘Baibel i no buk nating, em i stap laip. Em i gat strong bilong daunim olgeta birua bilong en.’

Ol tok bilong Baibel i bin helpim tru sampela man na mekim isi bel bilong ol. Wanpela jeneral bilong ami long Amerika long bipo (Robert E. Lee) em i tok: “Taim mi tingting planti long sampela samting o mi gat hevi, long olgeta taim Baibel i bin givim save long mi na strongim mi.” Na wanpela presiden bilong Amerika (John Quincy Adams) i laikim tru Baibel na em i tok: “Inap planti yia pinis mi bihainim pasin olsem: Long olgeta yia mi kaunim olgeta tok bilong Baibel.”

Sapos Bikpela Man Antap i bin givim Baibel long ol man, orait i mas i gat sampela samting i kamapim klia olsem spirit bilong God i as bilong ol tok bilong en na em i buk bilong God. Dispela buk i mas winim olgeta narapela buk. Na olgeta tok bilong en i mas stret bambai em inap strongim tru na skulim ol man. Olsem na dispela askim i stap, olsem: Tru Baibel em i presen bilong God? Orait, nau yumi ken wok long painim bekim bilong dispela askim.

[Ol Futnot]

[Ol Piksa long pes 3]

William. E. Gladstone

[Kredit Lain]

U.S. National Archives photo

Abraham Lincoln

[Kredit Lain]

U.S. National Archives photo

Patrick Henry

[Kredit Lain]

Harper’s U.S. History

Napoléon Bonaparte

[Kredit Lain]

Drawn by E. Ronjat

John Quincy Adams

[Kredit Lain]

Harper’s U.S. History

Robert E. Lee

[Kredit Lain]

U.S. National Archives photo