Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • w02 2/15 p. 3-4
  • Makim Ol Stiatok Yu Laik Bihainim

No gat vidio bilong dispela seksen.

Sori, popaia kamap long lodim vidio.

  • Makim Ol Stiatok Yu Laik Bihainim
  • Wastaua i Tokaut Long Kingdom Bilong Jehova—2002
  • Ol Liklik Het Tok
  • Wankain Infomesen
  • Yumi Laik Bihainim Wanem Kain Stiatok?
  • Ol Stiatok Bilong God Inap Helpim Yu
    Wastaua i Tokaut Long Kingdom Bilong Jehova—2002
  • Larim Ol Stiatok Bilong God i Stiaim Wokabaut Bilong Yu
    Wastaua i Tokaut Long Kingdom Bilong Jehova—2002
  • Olsem Wanem Ol Stiatok Bilong Baibel i Helpim Yumi?
    Gutpela Nius i Kam Long God!
  • Larim Ol Lo na Stiatok Bilong God i Skulim Maus Bilong Bel
    Wastaua i Tokaut Long Kingdom Bilong Jehova (Stadi Edisen)—2018
Lukim Moa
Wastaua i Tokaut Long Kingdom Bilong Jehova—2002
w02 2/15 p. 3-4

Makim Ol Stiatok Yu Laik Bihainim

OLSEM WANEM? Ol gutpela tok o tingting i save stiaim ol samting yu mekim? O yu ting dispela pasin em i pasin bilong bipo tasol? Tasol tru tru, olgeta man i ting sampela tok o tingting olsem stiatok i bikpela samting, na ol i larim dispela stiatok i stiaim ol samting ol i mekim. Wanpela dikseneri (The New Shorter Oxford English Dictionary) i tok, ol stiatok (principles) i olsem “ol tok o tingting i stiaim man long mekim pasin i stret.” Ol stiatok, olsem ol tok bilong stiaim tingting, i save bosim ol samting yumi tingting long mekim na wanem rot yumi bai bihainim. Ol stiatok i kain olsem wanpela kompas.

Olsem: Jisas i tokim ol disaipel long bihainim Gutpela Lo Tru i stap long Matyu 7:12: “Olgeta pasin yupela i laik bai ol arapela manmeri i mas mekim long yupela, ol dispela pasin tasol yupela i mas mekim long ol.” Ol disaipel bilong Konfusas i save bihainim ol stiatok ol i kolim li na jen, na ol dispela stiatok i tok long pasin bilong mekim gut long narapela, pasin daun, rispektim narapela, na stap gut long narapela. Ol man i no gat lotu, ol tu i save bihainim sampela tok i stiaim pasin ol i mekim.

Yumi Laik Bihainim Wanem Kain Stiatok?

Yumi mas save olsem, i gat sampela gutpela stiatok na sampela i nogut. Olsem: Insait long laspela 10-pela yia, planti man moa i larim pasin bilong tingim ol yet pastaim i kirapim ol long mekim ol samting. Maski planti man i ting ol i no mekim olsem, dispela tingting i kamap olsem stiatok bilong bosim wokabaut bilong planti man taim ol i lusim ol gutpela pasin. Man i save mekim dispela pasin i save tingim em yet tasol, na planti taim em i tingting tasol long kisim mani kago. Bosman bilong wanpela TV stesin long Saina i tok: “I gat tupela stiatok tasol mipela i save bihainim. Wanpela em pasin bilong kamapim ol samting ol man i laikim. Na narapela em pasin bilong kisim win mani.”

Pasin bilong tingim yu yet pastaim i kain olsem wanpela magnet. Wanpela magnet i save mekim wanem long kompas? Taim tupela i stap klostu, magnet i save paulim nil bilong kompas. Na olsem tasol, pasin bilong man long tingim em yet tasol i save paulim ol tok i stiaim man long mekim pasin i stret, na i kirapim em long tingim ol laik bilong skin pastaim.

Yu ting yu bai kirap nogut long save olsem dispela pasin em i no wanpela pasin i kamap nau long taim bilong yumi tasol? Dispela pasin bilong man i tingim em yet tasol i stat long gaden Iden taim tumbuna papamama bilong yumi i sakim ol tok Man bilong wokim yumi i bin givim long ol. Dispela i mekim na kompas bilong ol bilong makim stretpela pasin ol i mas bihainim i paul. Ol tumbuna pikinini bilong Adam na Iv i gat hevi long pasin bilong tingim ol yet tasol.​—⁠Stat 3:​6-8, 12.

Yumi lukim dispela tingting i go bikpela moa long dispela taim em tok profet bilong Baibel i kolim olsem “taim bilong las de,” i gat “planti hevi nogut tru” long en. Planti man i “laikim ol yet tasol.” Olsem na yumi no kirap nogut long ol samting i laik pulim yumi long bihainim pasin bilong tingim yumi yet pastaim.​—⁠2 Timoti 3:​1-5.

Ating yu wanbel wantaim yangpela man Olaf, em i bin raitim pas long wanpela brens-ofis bilong ol Witnes Bilong Jehova long Yurop, na em i tok: “Em i hatwok tru long mipela ol yangpela long bihainim ol stretpela pasin. Plis wok yet long tokim mipela olsem mipela i mas bihainim ol stiatok bilong Baibel.”

Olaf i gat gutpela tingting. Ol stiatok bilong God inap helpim yumi​—⁠ol yangpela na ol lapun⁠—long bihainim ol pasin i gutpela tru. Ol inap helpim yumi long sakim pasin bilong tingim yumi yet tasol. Sapos yu laik kisim sampela save moa long olsem wanem ol stiatok bilong Baibel inap helpim yu, orait skelim stori i kam bihain long dispela.

[Ol Piksa long pes 4]

Planti man long nau ol i no tingim liklik ol narapela

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim