Bilong Ol Yangpela

Wanpela Lepraman i Kamap Orait!

Pasin bilong mekim: Mekim dispela projek long wanpela hap we i no gat planti nois. Taim yu ritim skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori. Mekim dispela stori i kamap olsem samting tru tru em yu lukim i stap.

Ol man insait long stori: Naman, Elisa, na wanpela liklik meri Israel em Baibel i no kolim nem bilong em

Bikpela tok: Naman, em kepten bilong ami bilong Siria, em i kamap orait long sik nogut bilong em bihain long taim wanpela liklik meri Israel i tokim em long go lukim Elisa.

1 SKELIM SAMTING I KAMAP.​—RITIM 2 KING 5:​1-19.

Liklik meri Israel i pilim olsem wanem taim ol Siria i kisim em long famili bilong em husat i save aninit long God?

․․․․․

Naman i wanpela strongpela man husat i gat sik nogut, yu ting em i pilim olsem wanem long dispela?

․․․․․

Yu ting Naman i pilim olsem wanem long toktok i kamap namel long em na ol wokman bilong em olsem ves 11 i go long 13 i stori long en?

․․․․․

Wanem senis i kamap long pasin bilong Naman olsem yumi ritim kirap long ves 15?

․․․․․

2 SKELIM I GO MOA.

Wanem ol samting i mekim na Naman i gat pasin hambak? (Ritim gen ves 1.)

․․․․․

Yusim ol buk bilong ol Witnes Bilong Jehova na mekim wok painimaut long sik lepra long taim bilong ol man i bin raitim Baibel.a(Olsem: Dispela sik i nogut olsem wanem? Em inap kalap long ol narapela man? I gat wanem marasin samting bilong pinisim sik?)

․․․․․

Taim Naman i kamap orait long sik lepra bilong em, yu ting dispela i mekim wanem long liklik meri Israel?

․․․․․

Olsem wanem pasin bilong Elisa long bekim tok i traim Naman? (Lukim ves 10.)

․․․․․

3 MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .

Ol samting nogut i save kamap long pasin hambak.

․․․․․

Pasin bilong strongim bel na tokaut long ol bilip yu holim.

․․․․․

Strong bilong Jehova long oraitim ol sik.

․․․․․

4 YU PILIM TRU WANEM SAMTING LONG DISPELA STORI BILONG BAIBEL? BILONG WANEM YU TOK OLSEM?

․․․․․

YU KEN RITIM SAMPELA NIUS MOA BILONG BAIBEL LONG INTENET LONG www.watchtower.org

[Futnot]