BEKIM OL ASKIM BILONG BAIBEL

Satan i kamap olsem wanem?

God i no wokim Satan. Tasol God i bin wokim dispela ensel em bihain em i kamap Satan. Jisas i tok pastaim Satan em i wanpela ensel i save mekim tok tru na em i no gat asua. Bipo em i wanpela gutpela ensel bilong God.—Ritim Jon 8:44.

Olsem wanem wanpela ensel i kamap Satan?

Bilong kisim sampela save moa, lukim sapta 10 bilong dispela buk em ol Witnes Bilong Jehova i wokim, Tru Tru Baibel i Tok Wanem?

Dispela ensel husat i kamap Satan, long laik bilong em yet em i birua long God na em i kirapim tupela namba 1 man na meri long bihainim em. Em i mekim em yet i kamap Satan, mining bilong en “Birua.”—Ritim Stat 3:1-5; Revelesen 12:9.

Olsem ol narapela ensel na ol man em God i wokim, dispela ensel i kamap Satan i stap fri long makim olsem em i laik bihainim pasin i stret o pasin i no stret, tasol em i kisim laik olsem ol narapela i mas lotuim em. Laik bilong em long kisim biknem na namba i strong moa winim laik bilong em long amamasim God.—Ritim Matyu 4:8, 9; Jems 1:13, 14.

Olsem wanem Satan i wok yet long giamanim ol manmeri? Yu ting yu mas pret long em? Yu inap kisim bekim bilong ol dispela askim long Baibel.