Nupela Memba Bilong Gavening Bodi

Long Trinde moning, Septemba 5, 2012, ol i toksave long Betel famili long Amerika na Kanada olsem wanpela brata i kamap nupela memba bilong Gavening Bodi Bilong Ol Witnes Bilong Jehova. Long Septemba 1, 2012, Mark Sanderson i kirap long mekim wok olsem memba bilong Gavening Bodi.

Brata Sanderson i kamap bikpela long biktaun San Diego, long California, Amerika. Papamama bilong em ol i Kristen, na em i baptais long Februeri 9, 1975. Em i kirap mekim wok painia long Saskatchewan, Kanada, long Septemba 1, 1983. Long Disemba 1990, em i bin grediuet long namba 7 klas bilong Ministerial Trening Skul (nau ol i kolim Baibel Skul Bilong Ol Singel Brata) long Amerika. Long Epril 1991, ol i makim Brata Sanderson long mekim wok painia salim long ailan Newfoundland, Kanada. Em i mekim wok olsem helpim bilong wasman sekit, na bihain ol i askim em long i go wok long Kanada Betel long Februeri 1997. Long Novemba 2000, ol i salim em i go long Betel long Amerika, na em i wok wantaim Hospital Infomesen Sevis, na bihain em i wok wantaim Dipatmen Bilong Wok Autim Tok.

Long Septemba 2008, Brata Sanderson i go long Skul Bilong Ol Memba Bilong Brens Komiti, na bihain ol i makim em long kamap memba bilong Brens Komiti bilong Filipins. Long Septemba 2010, ol i singautim em long go bek long Amerika, na em i mekim wok olsem helpim bilong Sevis Komiti Bilong Gavening Bodi.