Bekim Ol Askim Bilong Baibel
Husat bai go long heven, na bilong wanem?
Planti milion manmeri i gat laik long kisim laip long heven. Jisas i tok, ol gutpela aposel bilong em bai stap long heven. Paslain long em i dai, em i promisim ol aposel bilong em olsem em bai go long Papa bilong em long heven na redim ples bilong ol.—Ritim Jon 14:2.
Bilong wanem ol man bilong graun bai kirap bek na kisim laip long heven? Ol bai mekim wanem long heven? Jisas i tokim ol aposel bilong em olsem ol bai mekim wok king. Na ol bai bosim graun.—Ritim Luk 22:28-30; Revelesen 5:10.
Yu ting olgeta gutpela man i go long heven?
Long planti kantri, sampela man tasol inap mekim wok bos. Jisas bai kirapim bek ol man na bai ol i kisim laip long heven na bosim graun, olsem na i stret yumi ken ting dispela lain bai i liklik lain tasol. (Luk 12:32) Baibel i kolim stret namba bilong ol man husat bai mekim wok bos wantaim Jisas long heven.—Ritim Revelesen 14:1.
Jisas i redim ples long heven bilong sampela disaipel bilong em. Yu save long wanem wok ol bai mekim long heven?
Ol lain bilong i go long heven bai kisim laip long heven olsem wanpela presen. Na ol man i stap aninit long Kingdom bilong Jisas, ol tu bai kisim laip oltaim long Paradais i kamap bek gen long graun. (Jon 3:16) Sampela bai abrusim bagarap bilong ol pasin nogut bilong dispela graun na go insait long Paradais. Ol narapela bai kirap bek na kisim laip long Paradais.—Ritim Song 37:29; Jon 5:28, 29.