Askim
◼ Taim painia i go wok painia long narapela kongrigesen, kuskus i mas mekim wanem?
1 Kuskus bilong nupela kongrigesen i mas raitim toksave olsem long Sosaiti long hapsait bilong kat Ripot Bilong Kongrigesen (S-1). Na kwiktaim em i mas raitim pas long kuskus bilong kongrigesen em painia i lusim na tokim em long salim olgeta Kat Ripot Bilong Pablisa (S-21) i kam wantaim liklik toksave, em Komiti Bilong Lukautim Wok Bilong Kongrigesen i wokim, na bai ol elda long nupela kongrigesen i ken save long dispela painia.
2 Taim painia i go stap long narapela kongrigesen, ating sampela taim em i hatwok long stretim sindaun bilong em long dispela nupela ples wok na bihainim gutpela sedyul bilong autim tok. Painia i amamas tru taim ol elda i mekim pasin sori na i helpim em long stretim ol samting bilong em long nupela kongrigesen.
3 Harim: Sapos painia i lusim narapela kongrigesen long Papua Niugini na i go mekim wok painia long nupela kongrigesen, orait, kuskus i ken givim nupela kat Bilong Toksave Olsem Man i Wok Painia (S-202) long dispela painia tasol. Sapos kat bilong painia i lus, o painia i marit o katim marit na em i senisim nem bilong em, o painia i lusim narapela kantri na i kam long Papua Niugini, orait, Sosaiti bai givim nupela kat long dispela kain painia; kuskus i no ken givim. Kuskus o painia i ken raitim toksave na askim Sosaiti long givim nupela kat long em.
[Ol Askim]
1. (a) Husat i mas toksave long Sosaiti taim painia i go wok painia long narapela kongrigesen? (b) Em i mas mekim olsem wanem?
2. Wanem samting inap helpim painia em nau tasol em i go stap long nupela kongrigesen?
3. Taim painia i go wok painia long nupela kongrigesen, ol i mas mekim wanem bilong kisim nupela kat Bilong Toksave Olsem Man i Wok Painia?