Askim

● Taim wanpela pablisa i lusim kongrigesen na i go i stap long narapela kongrigesen, ol elda i mas mekim wanem?

Taim pablisa i kamap pinis long nupela kongrigesen, kuskus bilong nupela kongrigesen i mas kisim nem bilong kongrigesen em pablisa i lusim na em i mas kisim nem na atres bilong kuskus bilong dispela kongrigesen. Orait, nau kuskus i mas raitim pas long kuskus bilong dispela kongrigesen na tokim em long salim Kat Ripot Bilong Pablisa i kam wantaim liklik toksave na bai ol elda long nupela kongrigesen i ken save long dispela pablisa. Kuskus i mas mekim kwik ol dispela samting.​—⁠Lukim buk Lo Bilong Yumi Bilong Mekim Wok Autim Tok, pes 104-105.

Bilong mekim gut dispela wok, gutpela sapos pablisa i kisim stret nem bilong olpela kongrigesen na nem na atres bilong kuskus bilong en. Taim pablisa i kamap pinis long nupela kongrigesen, em i ken toksave long kuskus na bai kuskus i ken salim kwik pas long olpela kongrigesen bilong dispela pablisa. Pablisa i ken putim ripot long kongrigesen na taim kat ripot bilong em i kam, kuskus i ken putim ol namba samting bilong ripot long dispela kat na putim long Kat Ripot Bilong Kongrigesen long mun bihain.

Sapos pablisa i save pinis long nem na atres bilong kuskus bilong nupela kongrigesen, orait ol elda bilong olpela kongrigesen i no ken wet​—⁠kwiktaim ol i mas salim Kat Ripot Bilong Pablisa wantaim wanpela pas i go long kuskus bilong dispela nupela kongrigesen bilong toksave long em olsem dispela pablisa bai kam long kongrigesen.