Ol Samting Yumi Lainim Long Video The Bible—Accurate History, Reliable Prophecy
Taim yu lukim pinis dispela video, yu inap bekim ol dispela askim? (1) Husat i as bilong ol trupela tok bilong Baibel? (Dan 2:28) (2) Olsem wanem Baibel i kolim stret ol samting bilong kantri Isip bilong bipo, na olsem wanem tok profet i stap long Aisaia 19:3, 4 i kamap tru? (3) Ol saveman bilong painim ol samting bilong bipo insait long graun, olsem wanem ol i strongim ol tok Baibel i mekim long kantri Asiria, ol king bilong ol, na bagarap bilong Asiria? (Nah 3:1, 7, 13) (4) Wanem ol tok profet i toktok long Babilon ol i kamap tru pinis? (5) Kantri Midia na Persia i bin mekim wanem long ol manmeri bilong God? (6) Truim bilong tok bilong Daniel 8:5, 8 i bin kamap olsem wanem, na inap hamas yia paslain long truim bilong en, Baibel i bin tokaut long dispela samting? (7) Olsem wanem Jisas i bin kamapim olsem em i Mesaia tru? (8) Ol tok profet i stap long KTH 13:11 na 17:11 i makim wanem gavman long taim bilong yumi? (9) Wanem ol piksa long video i kamapim olsem samting Saveman 8:9 i toktok long en i tru? (10) Olsem wanem dispela video i bin strongim bilip bilong yu long ol samting Baibel i tok promis long em bai kamap long bihain? (11) Olsem wanem yu ken mekim wok long dispela video bilong kirapim ol narapela long bilip olsem God i as bilong ol tok bilong Baibel?