Vidio The Bible—Accurate History, Reliable Prophecy
Wanem ol samting i soim olsem tok bilong Baibel i stret wantaim ol samting i bin kamap bipo? Wanem ol tok profet bilong Baibel i bin kamap tru na dispela i mekim na yumi ken bilip tru olsem ol narapela tok profet bilong Baibel bai kamap tru long bihain? Bekim bilong ol dispela askim i stap long vidio, The Bible—Accurate History, Reliable Prophecy, em namba 3 hap i stap long DVD The Bible—A Book of Fact and Prophecy. Taim yu lukim pinis dispela vidio, bekim ol dispela askim.
(1) Husat i as bilong ol trupela tok bilong Baibel? (Dan. 2:28) (2) Olsem wanem Baibel i kolim stret ol samting bilong kantri Isip bilong bipo, na olsem wanem tok profet i stap long Aisaia 19:3, 4 i kamap tru? (3) Ol saveman bilong painim ol samting bilong bipo insait long graun, olsem wanem ol i strongim ol tok Baibel i mekim long kantri Asiria, ol king bilong ol, na bagarap bilong Asiria? (Nah. 3:1, 7, 13) (4) Wanem ol tok profet i toktok long Babilon ol i kamap tru pinis? (Jer. 20:4; 50:38; 51:30) (5) Wanem tok profet long Midia na Persia i bin kamap tru? (Ais. 44:28) (6) Tok profet bilong Daniel 7:6 na 8:5, 8 long kantri Grik i bin kamap tru olsem wanem? (7) Tok profet bilong Daniel 7:7 i kamap tru olsem wanem taim Rom i kamap strongpela gavman? (8) Baibel i kolim nem bilong wanem ol Sisar? (9) Wanem samting i painim ol Kristen taim Niro i stap king? (10) Ol tok profet i stap long Kamapim Tok Hait 13:11 na 17:10 i bin kamap tru olsem wanem? (11) Husat em i namba 8 king? (12) Wanem ol samting long vidio i kamapim klia olsem tok bilong Saveman 8:9 em i tru? (13) Yu laik tru long lukim truim bilong wanem ol tok profet long bihain? (14) Olsem wanem yu ken yusim dispela vidio long kirapim ol narapela long bilip olsem God i as bilong ol tok bilong Baibel?