Ol Tok Yu Ken Mekim Bilong Tilim Ol Nius

Wastaua Ogas 15

“Planti man i laik kisim gutpela nem. Sampela man i tingting olsem taim ol i dai, ol man bai i gat wanem kain tingting long ol. Yu bin tingting tu long dispela samting? [Larim man i bekim tok. Bihain ritim Saveman 7:⁠1.] Dispela Wastaua i stori long ol samting yumi ken mekim na bai God na ol man i ken tingim yumi olsem man i gat gutpela nem.”

Awake! Ogas 22

“Sapos yu bin kisim hevi long man i pretim na mekim nogut long yu, o wanpela long famili bilong yu i bin kisim dispela hevi, ating yu save olsem dispela em wanpela bikpela hevi, a? [Larim man i bekim tok.] Dispela Awake! i stori long ol gutpela tok bilong helpim ol man i bin kisim hevi long dispela pasin. Em i stori tu long tok promis bilong God long wanpela taim bai kamap na ol kain hevi olsem bai i no ken i stap moa.” Ritim Maika 4:⁠4.

Wastaua Septemba 1

“Planti man i ting olsem ol kain kain lotu em ol narapela narapela rot bilong i go long wanpela hap tasol. Tasol sampela i ting olsem i gat wanpela trupela lotu tasol. Yu bin tingting long dispela samting? [Larim man i bekim tok.] Dispela magasin i skelim wanpela tok piksa bilong bipo em inap helpim yumi long kisim gut save long dispela samting.” Stori liklik long Matyu 13:​24-​30.