Ol Kibung Distrik na Kibung Intenesenel i Kirapim Yumi Long Givim Biknem Long God!
Ol “Givim Biknem Long God” Kibung Distrik na Kibung Intenesenel i bin mekim bikpela wok bilong autim tok long ol man. Ol dispela bikpela bung tiokratik i bin litimapim nem bilong Jehova na i helpim yumi long “litimapim biknem bilong en.” (Sng. 96:8) Tru tumas, i stret yumi givim biknem long em, long wanem, em i bin wokim olgeta samting, na ol dispela samting i kamapim ol gutpela pasin bilong em.—Jop 37:14; KTH 4:11.
Mekim wok long ol askim i stap daunbilo na ol tok yu bin raitim long notbuk bilong yu, na redi long insait long riviu bilong program bilong kibung bai kamap long wik bilong Janueri 19.
1. Olsem wanem ol samting i no gat laip i save givim biknem long God? Olsem wanem dispela i narapela kain long pasin bilong ol man long givim biknem long em? (Sng. 19:1-3; “Ol Samting God i Wokim i Tokaut Long Biknem Bilong Em”)
2. Bodi bilong Jisas i kamap narakain i makim wanem samting long nau? Olsem wanem dispela i kirapim ol Kristen long nau? (As tok bilong kibung, “Ol Gutpela Tok Profet Olsem Piksa i Kirapim Yumi Long Wok Strong i Go!”)
3. Olsem wanem yumi inap kisim pasin daun kain olsem bilong profet Daniel? Dispela bai helpim yumi olsem wanem? (Dan. 9:2, 5; 10:11, 12; “Jehova i Kamapim Biknem Bilong Em Long Ol Man i Gat Pasin Daun”)
4. (a) Yumi lainim wanem 3-pela samting long kot bilong God long tok profet bilong Amos? (Amo. 1:3, 11, 13; 9:2-4, 8, 14) (b) Ol Witnes Bilong Jehova long nau inap lainim wanem samting long dispela stori bilong givim tok lukaut long yumi i stap long Amos 2:12? (“Tok Profet Bilong Amos—Tok Bilong En i Bilong Taim Bilong Yumi”)
5. (a) Wanem ol samting nogut inap kamap long pasin bilong dring planti tumas, maski man i no spak? (b) Olsem wanem man inap stretim hevi bilong dring planti? (Mk. 9:43; Ef. 5:18; “Abrusim Pasin Bilong Dring Planti Tumas Alkohol”)
6. Nupela buklet, “See the Good Land” i wok long helpim yu olsem wanem? (“Dispela Gutpela Graun—Em i Olsem Piksa Bilong Paradais”)
7. Long wanem 3-pela rot yumi inap ‘kamap olsem glas i sutim lait i go long ol manmeri’? (2 Ko. 3:18; “Stap Olsem Glas na Kamapim Klia Biknem Bilong Jehova”)
8. Husat i as bilong pasin bilong birua nating long ol wokman bilong Jehova? Wanem samting bai helpim yumi long sanap strong maski ol man i birua nating long yumi? (Sng. 109:1-3; “Ol Man i Birua Nating Long Ol”)
9. Tingting bilong Krais long samting i makim olsem man i gat biknem i makim wanem samting? Olsem wanem man inap save olsem em i mas wok yet long kisim dispela tingting? (Mt. 20:20-26; “Kisim Tingting Bilong Krais Long Samting i Makim Olsem Man i Gat Biknem”)
10. Wanem samting inap helpim yumi long i stap strong long ol samting bilong spirit maski skin i les? (“Skin i Les, Tasol Strong i Stap Yet”)
11. Wanem sampela rot Satan i save kamapim tok giaman bilong em? Baibel i tok yumi mas mekim wanem taim ol samting i laik bagarapim bilip bilong yumi? (Jo. 10:5; “Lukaut Long ‘Maus Bilong Ol Arapela Man’ ”)
12. (a) Olsem wanem ol papamama inap bihainim pasin bilong Jisas olsem i stap long Mak 10:14, 16? (b) Yu laikim wanem samting long dispela nupela buk Learn From the Great Teacher? (“Ol Pikinini Bilong Yumi—Ol i Gutpela Presen Tru Yumi Kisim”)
13. Olsem wanem ol yangpela i givim biknem long Jehova? (1 Ti. 4:12; “Ol Wok Ol Yangpela i Mekim Bilong Litimapim Nem Bilong Jehova”)
14. Wanem ol samting long dispela drama, “Strong Long Autim Tok Maski Ol Man i Birua” i pas tru long tingting bilong yu?
15. Olsem wanem yumi inap bihainim pasin bilong (a) Pita na Jon? (Ap. 4:10) (b) Stiven? (Ap. 7:2, 52, 53) (c) kongrigesen Kristen long taim bilong ol aposel? (Ap. 9:31; drama na tok “ ‘No Ken Lusim’ Wok Bilong Autim Gutnius”)
16. (a) Yumi bin pasim tok long givim biknem long God long wanem ol rot? (b) Yumi ken bilip tru long wanem samting taim yumi bihainim ol samting yumi bin lainim long ol “Givim Biknem Long God” Kibung? (Jo. 15:9, 10, 16; “ ‘Karim Planti Kaikai’ Bilong Givim Biknem Long Jehova”)
Sapos yumi tingim tingim long bel ol samting bilong spirit em yumi kisim long kibung, dispela bai kirapim yumi long bihainim ol samting yumi bin lainim. (Fl. 4:8, 9) Dispela bai strongim laik bilong yumi long “mekim dispela olgeta samting bilong givim biknem long God.”—1 Ko. 10:31.