Ol Tok Yu Ken Mekim Bilong Tilim Ol Nius

Wastaua Jun 15

“Ating yu wanbel long tok olsem i hatwok long skulim ol pikinini long nau, a? [Larim man i bekim tok.] Lukim dispela gutpela tok bilong strongim bel bilong ol papamama olsem ol inap skulim gut ol pikinini bilong ol. [Ritim Sindaun 22:⁠6.] Dispela Wastaua i kamapim gutpela tok inap helpim ol papamama long skulim gut ol pikinini.”

Wastaua Julai 1

“Long taim bilong hevi, planti man i laik save sapos God i save tingim ol man na lukim hevi ol i karim o nogat. Sampela taim yu bin tingting long dispela samting? [Larim man i bekim tok.] Dispela Wastaua i stori long olsem wanem God i save soim olsem em i tingim yumi long nau na olsem wanem em i stretim rot bilong pinisim olgeta hevi.” Ritim Jon 3:⁠16.

Awake! Julai 8

“Long planti manmeri, taim ol i yangpela ol i pilim olsem em i taim bilong amamas na karim hevi wantaim, ating yu wanbel long dispela tok, a? [Larim man i bekim tok.] Dispela Awake! i stori long ol senis i save kamap long skin bilong ol yangpela. Na em i stori tu long sampela gutpela tok bilong helpim ol yangpela long mekim gutpela wok long taim ol i yangpela.” Ritim Saveman 12:⁠1.