Ol Tok Bilong Tilim Ol Nius

Wastaua Jun 1

“Yu ting God i orait long olgeta lotu? [Larim man i bekim tok.] Tingim samting God i bin mekim taim lain Israel bilong bipo i kirap bihainim ol bilip giaman bilong ol lain i stap klostu long ol. [Ritim Esekiel 6:⁠6.] Dispela stori i bekim askim, ‘Yu Ting Pasin Yumi Bihainim Bilong Lotuim God i Bikpela Samting?’ ” Soim stori i kirap long pes 9.

Kirap! Julai-Septemba

“Wok bilong mekim bikpela long ol pikinini i hatwok, na moa yet taim pikinini i kamap yangpela man o meri na ol bikpela senis i painim em. Yu ting ol papamama i ken kisim we ol gutpela tok bilong helpim ol? [Larim man i bekim tok. Ritim Aisaia 48:​17, 18.] Dispela nius i kamapim ol nupela save bilong helpim ol papamama long bihainim gutpela tingting na save.”

Wastaua Julai 1

“Yumi olgeta i save pilim pen bilong wanpela long famili i dai. Long kain taim olsem, yu ting Baibel inap helpim yumi? [Larim man i bekim tok. Ritim Song 55:22.] Dispela nius i kamapim sampela gutpela tok bilong Baibel i ken helpim yumi long karim dispela kain hevi.”

Awake! Julai

“Hevi bilong ol marit i wok long i go bikpela moa, na planti i save katim marit. Yu ting pasin bilong bihainim dispela tok i ken helpim ol marit long i stap gut? [Ritim Sindaun 12:18. Larim man i bekim tok.] Dispela nius i skelim sampela narapela stiatok bilong Baibel em ol inap helpim ol marit long strongim marit bilong ol.”