Askim

◼ Olsem wanem yu inap kisim Wastaua na Kirap! bilong yu yet?

Yumi no inap kisim moa sabskripsen bilong Wastaua na Kirap! long magasin na kaset long olgeta tok ples, olsem na olgeta pablisa i mas kisim magasin bilong ol yet long kongrigesen.

Sapos wanpela long teritori i laik yu mas bringim ol nupela magasin i go long em olgeta taim, orait yu mas bringim ol nupela magasin long em. Ol rauspela man i ken kisim ol magasin na ol narapela buk samting long Haus Kingdom. Ol pablisa i no ken bringim ol magasin long ol rauspela man.

Brens ofis bai orait tasol long sabskripsen bilong ol man husat em pablisa bilong kongrigesen i no inap long bringim ol nupela magasin long ol. Sapos Kongrigesen Sevis Komiti i salim sabskripsen bilong wanpela man i no inap long kisim ol magasin, orait kuskus bilong kongrigesen i mas putim toksave olsem Kongrigesen Sevis Komiti i bin skelim gut dispela sabskripsen na ol i orait long en. Ol lain i save kisim sabskripsen long rot bilong balus i kam long Pot Mosbi, mipela i laik bai ol i baim pe bilong stem, em pe bilong en K16.80 insait long wanpela yia. Dispela inap senis.

Ol pablisa i no ken rait i go long brens ofis na askim long kisim sabskripsen bilong ol yet. Sapos sampela pablisa o ol man i gat laik long harim tok bilong Baibel i rait long brens bilong kisim sabskripsen, brens bai salim pas bilong ol i go bek long kongrigesen long hap bilong ol.

◼ Olsem wanem wanpela kalabusman i ken kisim Wastaua na Kirap! bilong em yet?

Sapos kongrigesen i save autim tok long wanpela haus kalabus orait dispela kongrigesen i ken bringim ol magasin i go long ol kalabusman long dispela kalabus, na sapos wanpela kalabusman i laikim Wastaua na Kirap! orait em i ken kisim long ol pablisa i save go autim tok long dispela haus kalabus. Tasol sapos kalabusman i no inap kisim magasin long dispela rot, orait em i ken raitim pas i go long brens ofis bilong kisim sabskripsen bilong em yet. Tasol, em yet i mas baim pe bilong salim pas long balus olsem yumi stori pinis long en. Plis tingim olsem ol rauspela man i stap long kalabus, ol tu i mas bihainim wankain pasin bilong kisim magasin olsem dispela paragraf i stori long en.