Kibung Distrik i Kirapim Yumi Long Wokabaut Wantaim God
“Wokabaut Wantaim God” Kibung Distrik i kamapim klia dispela tok bilong Jehova: “Em bai i tokim yupela long rot yupela i mas bihainim.” (Ais. 30:21) Sapos yumi bihainim ol tok yumi kisim, dispela bai helpim yumi long ‘lukaut gut long wokabaut bilong yumi.’ (Ef. 5:15) Sapos yumi tingim tingim long bel ol samting yumi lainim dispela bai helpim yumi long “wokabaut long pasin bilong tok tru.”—3 Jo. 3.
Yusim ol askim i stap daunbilo na ol tok yu bin raitim long notbuk bilong yu, na redi long insait long riviu bilong program bilong kibung bilong las yia. Riviu bai kamap long Miting Bilong Wok long wik i kirap long Janueri 17.
1. Olsem wanem Enok i wokabaut wantaim God maski em i bin stap long taim nogut? (Hi. 11:1, 5, 6; Ju. 14, 15; “Wokabaut Wantaim God Long Taim Nogut”)
2. Yumi ken bihainim stiatok i stap long Luk 16:10 long wanem ol samting long i stap bilong yumi? (“Yu Save ‘Lukaut Gut Long Ol Liklik Samting’?”)
3. (a) Kolim 4-pela samting i stap long Hosea sapta 6 i go sapta 9 i givim skul long yumi na i helpim yumi long wokabaut wantaim God. (Hos. 6:6, 7; 7:14; 8:7) (b) Wanem sampela tok moa long Hosea sapta 10 i go 14 i helpim yumi long wokabaut wantaim God? (“Tok Profet Bilong Hosea i Helpim Yumi Long Wokabaut Wantaim God”—Tok i Gat Tripela Hap)
4. Ol marit Kristen i ken mekim wanem bilong helpim marit bilong ol long i stap gut? (Snd. 12:4; Ef. 5:29; “No Ken Katim ‘Samting God i Pasim Pinis’ ”)
5. Olsem wanem yumi ken soim olsem yumi rispektim ol bung holi bilong yumi? (Sav. 5:1; Ais. 66:23; “Rispektim Ol Bung Holi Bilong Yumi”)
6. (a) Yumi mas skelim wanem 3-pela bikpela samting long wok autim tok bilong yumi bambai yumi ken wok yet long mekim gut dispela wok? (Ais. 52:7; Sek. 8:23; Mk. 6:34) (b) Wanem ol samting bilong buklet Good News for People of All Nations i helpim yu gut? (“Gutnius Bilong Ol Manmeri Bilong Olgeta Lain”; “Helpim Ol Lain i Save Mekim Narapela Tok Ples”)
7. Olsem wanem yumi ken helpim ol nupela man long no ken pret long autim tok bilong Kingdom? (Het. 7:17; “Helpim Planti Manmeri Long Wok Wantaim Yumi Long Autim Tok”)
8. Olsem wanem yumi ken kamapim bilip bilong yumi olsem ‘de bilong Bikpela, em i klostu nau’? (Sef. 1:14; “Wokabaut Long Bilip, i No Long Samting Yumi Lukim”)
9. (a) Pasin bilong pundaunim man em i bikpela samting olsem wanem? (Mk. 9:42-48) (b) Yumi ken mekim wanem na bai yumi yet i no pundaun? (Sng. 119:165) (c) Yumi ken mekim wanem na bai yumi no pundaunim ol narapela? (1 Ko. 10:24; “No Ken Mekim ‘Wanpela Samting i Mekim Man i Pundaun’ ”)
10. Olsem wanem yumi ken bihainim stretpela tingting taim yumi wok long painim wanpela poroman yumi laik maritim, taim yumi laik lukautim gut helt bilong yumi, na taim yumi mekim ol wok bisnis? (Sng. 26:4; Mt. 6:25; 1 Ti. 6:9; “Bosim Gut Wokabaut Bilong Yupela”)
11. (a) Taim ol man i singautim Jisas long kaikai, i gat wanem samting long en yumi mas tingim? (Lu. 10:42; 24:32) (b) Olsem wanem yumi ken inapim laik bilong kisim amamas long rot we yumi yet na ol narapela i kisim nupela strong? (1 Ko. 10:31-33; “Ol Gutpela Amamas i Givim Nupela Strong Long Yumi”)
12. Olsem Song 23 i tok, wanem ol blesing yumi kisim olsem ol sipsip bilong Jehova? Yumi gat wanem wok? (1 Ko. 10:21; “Jehova Em i Wasman Bilong Yumi”)
13. Olsem wanem ol Kristen i save bihainim dispela tok bilong Baibel olsem “nogut dispela taim i lus nating”? (Ef. 5:16; “Nogut Dispela Taim i Lus Nating”)
14. (a) Wanem ol samting i insait long ‘taim bilong kot’ em Kamapim Tok Hait 14:7 i tok long en? (b) Olsem wanem yumi ken kamapim klia olsem yumi stap longwe tru long Bikpela Babilon? (“ ‘Was i Stap’—Taim Bilong Kot i Kamap Pinis”) (c) Yu laikim wanem ol tok insait long buklet Was i Stap!?
15. Kolim tripela pasin em yumi mas i gat bambai yumi no “givim baksait long stretpela rot.” (2 Pi. 2:15; “No Ken ‘Givim Baksait Long Stretpela Rot’ ”)
16. Olsem wanem ol yangpela inap sakim rot bilong ol man nogut? (Snd. 4:14; “Ol Yangpela—Wokabaut Long Rot Bilong Stretpela Pasin”)
17. (a) Long wanem ol rot Pol i stap gutpela piksa long pasin bilong sanap strong? (Ap. 14:19, 20; 16:25-33) (b) Bilong wanem i no gat wok long yumi pret long ol birua bilong tok i tru? (Drama na tok “Autim Tok Long Nau Maski Ol Man i Birua”)
18. Ol man i wokabaut wantaim God i kisim wanem ol blesing? (“Pasin Bilong Wokabaut Wantaim God Bai Kamapim Ol Blesing Nau na Bihain”)
Yumi mas strong long bihainim tok i kamap ‘baksait long yumi’ na bai yumi wokabaut wantaim Papa bilong yumi long heven inap oltaim oltaim.—Ais. 30:21; Jo. 3:36.