Ol Tok Yu Ken Mekim Bilong Tilim Ol Nius

Wastaua Oktoba 15

“Planti manmeri i ting ediukesen em i rot bilong kamapim gutpela sindaun. Yu ting i gat wanpela kain ediukesen em inap helpim man long kamap gutpela man na karim ol hevi i save painim em? [Larim man i bekim tok. Ritim Rom 12:⁠2.] Dispela nius i stori long ol gutpela samting yumi inap kisim long nambawan skul i stap pinis.”

Awake! Oktoba 22

“Klostu olgeta de planti manmeri i save amamas long ritim niuspepa. Yu ting yumi inap bilipim ol tok ol niuspepa i kamapim? [Larim man i bekim tok.] Dispela Awake! i stori long olsem wanem yumi inap kisim helpim taim yumi ritim niuspepa. Em i stori tu long as na yumi mas was gut taim yumi ritim niuspepa.” Ritim Sindaun 14:⁠15.

Wastaua Novemba 1

“Planti manmeri i tingting planti long pasin i no stret i stap long dispela graun. Yu ting i gat wanpela man em inap tru long senisim pasin bilong dispela graun? [Larim man i bekim tok.] Dispela nius i stori long ol samting i pasim rot bilong kamapim dispela senis. Em i stori tu long husat bai mekim dispela senis na olsem wanem em bai mekim dispela samting bilong bringim wanpela taim we i gat pasin bilong i stap wanbel tru.” Ritim Song 72:​12-14.