Ol Tok Yu Ken Mekim Bilong Tilim Ol Nius

Wastaua Oktoba 15

“Sampela man i gat tingting olsem, God i stap long heven, olsem na yumi ol man i no inap kisim save long em. Yu tu i bin kisim kain tingting olsem? [Larim man i bekim tok. Nau ritim Jon 17:⁠3.] Dispela nius i stori long olsem wanem yumi inap kisim save long God.”

Awake! Oktoba

“Klostu yumi olgeta i gat wanpela long famili bilong yumi i bin i dai. Yu ting i gat sampela samting yumi ken mekim bilong helpim man i dai pinis? [Larim man i bekim tok.] Dispela nius i kamapim bekim bilong Baibel long dispela askim. Em i stori tu long dispela gutpela tok promis bilong Baibel.” Ritim Jon 5:​28, 29. Nau soim stori i stap long pes 10.

Wastaua Novemba 1

“Long nau i gat kain kain tingting long pasin bilong mekim bikpela long ol pikinini. Yu ting ol papamama inap painim we ol gutpela tok bilong helpim ol long mekim bikpela long ol pikinini bilong ol? [Larim man i bekim tok. Nau ritim Song 32:⁠8.] Dispela nius i kamapim sampela gutpela tok bilong Baibel long pasin bilong mekim bikpela long ol pikinini.”