Ol Tok Yu Ken Mekim Bilong Tilim Ol Nius

Awake! Oktoba 8

“Sampela taim yu bin tingting long bilong wanem God i larim pasin nogut i stap? Sampela taim yu ting God i mas hariap na pinisim olgeta man nogut nau tasol? [Larim man i bekim tok.] Dispela nius bai helpim yu long save gut long tok Baibel i mekim long God bai larim pasin nogut i stap inap long wanem mak na bilong wanem em i mekim olsem.”

Wastaua Oktoba 15

“Yu ting wanem samting inap mekim na graun i kamap gutpela ples bilong ol man i ken stap amamas long en? [Larim man i bekim tok.] Ol man i bin kamapim kain kain gavman bilong mekim ol samting i kamap gutpela. Tasol lukim tingting bilong God long dispela samting. [Ritim Jeremaia 10:23.] Dispela nius i stori long ‘Rot Bilong Kamapim Gutaim Long Graun,’ na i soim olsem wanem klostu nau dispela samting bai kamap.”

Awake! Oktoba 22

“Yu ting ol man i karim planti hevi moa long nau, winim olgeta taim bipo? [Larim man i bekim tok.] Baibel i bin tok profet olsem dispela samting bai kamap. [Ritim 2 Timoti 3:⁠1.] Planti man i ting laip i gat planti hevi tumas long en na ol i les long i stap. Dispela nius i strongim tru bel bilong man, na i soim olsem wanem man inap daunim bel hevi na amamas long i stap laip.”