Ol Tok Yu Ken Mekim Bilong Tilim Ol Nius

Wastaua Oktoba 15

“Bai yu tok wanem long ol pikinini o long ol narapela long as na planti samting nogut i kamap long nau? [Larim man i bekim tok.] Baibel i bekim dispela askim ‘Husat i As Bilong Olgeta Pasin Nogut?’ [Ritim 1 Jon 5:​19.] Dispela Wastaua bai helpim yu long kisim gut save olsem Satan em wanpela man i stap tru na olsem wanem yumi inap sakim em.”

Kirap! Oktoba-Disemba

“Planti manmeri i ting pilai laki em wanpela pilai bilong amamas na i stret long mekim. Sampela narapela i pilim olsem em i bagarapim sindaun bilong ol famili na komiuniti. Dispela Kirap! i skelim pasin bilong pilai laki na em i kamapim tok bilong sampela lain i stori long dispela pasin. Ating bai yu amamas long ritim ol stiatok bilong Baibel long dispela samting.” Olsem: Ritim 1 Timoti 6:​10.

Wastaua Novemba 1

“Planti bilong yumi i traim long stap bel isi wantaim ol narapela. Tasol ating bai yu wanbel long tok olsem dispela em i hatwok, a? [Larim man i bekim tok.] Baibel i kamapim klia bilong wanem i olsem. [Ritim Jems 3:⁠2.] Dispela stori i kamapim olsem wanem pasin bilong tok sori em i olsem nambawan rot bilong wanbel gen wantaim man, na olsem wanem yumi ken mekim yet dispela pasin.”

Awake! Novemba 8

“Tok profet bilong Baibel i kamapim olsem i gat wanpela taim bai kamap na i no gat wanpela man inap tok olsem, ‘Mi gat sik.’ [Ritim Aisaia 33:24.] Olsem wanem? Yu ting em wanpela gutpela samting? [Larim man i bekim tok.] Tasol long nau ol manmeri i kisim kain kain sik, na ol i kisim hevi bilong sik AIDS tu. Dispela Awake! bai bekim dispela askim, Yu ting sik AIDS bai pinis?”