Ol Tok Yu Ken Mekim Bilong Tilim Ol Nius

Wastaua Mas 15

“Planti bilong yumi i save bel hevi taim wanpela yumi laikim tumas i dai. Yu save long dispela gutpela tok promis i stap hia? [Ritim Aposel 24:15. Orait larim man i bekim tok.] Tasol planti man i laik save husat tru bai kirap bek? Wanem taim dispela samting bai kamap? Kirap bek bai kamap long wanem hap? Dispela nius i kamapim tok Baibel i mekim long ol dispela askim.”

Awake! Mas

“Planti manmeri i bilip olsem Jisas em i God. Tasol Pita, wanpela disaipel bilong Jisas, em i tok Jisas em i Pikinini Bilong God. [Ritim Matyu 16:16.] Yu ting Jisas inap i stap God na Pikinini Bilong God wantaim? [Larim man i bekim tok.] Stori i stap long pes 12-13 long dispela nius i kamapim bekim bilong dispela askim, na i kamapim tok Baibel i mekim long dispela samting.”

Wastaua Epril 1

“Dispela tok em planti man i save long en i kamapim klia olsem em i bikpela samting long kisim save long God. [Ritim Matyu 4:⁠4.] Tasol planti man i pilim olsem i hatwok long kliagut long Tok Bilong God. Yu tu i pilim olsem? [Larim man i bekim tok.] Dispela nius i kamapim sampela gutpela tok em ol inap helpim yu long kliagut long Baibel.”

Kirap! Epril-Jun

“Olsem wanem? Yu save tingting long graun bai stap olsem wanem long 20 o 30 yia bihain? [Larim man i bekim tok. Orait ritim Song 119:105.] Baibel i olsem lam na i soim rot long yumi bambai yumi ken save long ol samting bai kamap bihain. Dispela nius i skelim ol tok profet i soim yumi olsem nau yumi stap long wanem taim, na bilong wanem yumi ken wetim gutpela samting bai kamap bihain.”