Ol Tok Bilong Tilim Ol Nius

Wastaua Mas. 1

“Long olgeta de yumi harim stori bilong ol man i karim bikpela pen, ol bikpela sik, na ol man i dai. Sampela taim yu tingting olsem ol dispela samting bai pinis o nogat? [Larim man i bekim tok.] Dispela ves bilong Baibel i bin strongim bel bilong planti milion manmeri. [Ritim Jon 3:16.] ‘Olsem Wanem Dai Bilong Jisas Inap Kisim Bek Yu?’ em bikpela tok bilong dispela nius.”

Kirap! Epr.-Jun

“Kirap long bipo yet na i kam inap long nau, ol man i bin daunim na mekim nogut long ol meri. Yu ting bilong wanem dispela pasin i stap? [Larim man i bekim tok.] Lukim tok Baibel i mekim long wanem kain pasin ol man marit i mas mekim long meri bilong ol. [Ritim 1 Pita 3:⁠7.] Dispela nius i kamapim tok bilong Baibel long God na Krais i gat wanem tingting long ol meri.”

Wastaua Epr. 1

“Olsem wanem? Yu laik lukim dispela tok profet i kamap tru? [Ritim Aisaia 2:⁠4. Larim man i bekim tok.] Dispela skripsa i tok God bai “stretim” ol samting na pinisim ol woa. Baibel i tok God bai pait long wanpela woa Baibel i kolim Armagedon em dispela woa bai pinisim olgeta woa. Dispela nius i stori long Armagedon em i wanem samting na bilong wanem yumi ken amamas na wet long en.”

Awake! Epr.

“Yu ting yumi stap long taim em dispela skripsa i stori long en? [Ritim 2 Timoti 3:​1-4. Larim man i bekim tok.] I gat as tru na yumi laik save long taim bilong las de, long wanem, dispela samting i makim olsem ol gutpela samting bai kamap long graun. Dispela nius i stori long en.”