Ol Tok Yu Ken Mekim Bilong Tilim Ol Nius

Wastaua Epril 15

“I luk olsem planti man moa i mekim pasin nogut. [Stori long samting i kamap long hap bilong yupela o long samting dispela nius i kamapim.] Sampela taim yu bin tingting, bilong wanem ol man i save mekim pasin nogut? [Larim man i bekim tok.] Baibel i tok profet olsem pasin bilong ol man bai i go nogut moa. [Ritim 2 Timoti 3:​1-5.] Dispela nius i bekim dispela askim, ‘Yu ting pasin nogut bai pinis?’ ”

Awake! Epril

“Planti man i save tok ol i Kristen. Yu ting wanem samting i makim olsem man i wanpela Kristen? [Larim man i bekim tok.] Lukim tok Jisas i mekim long hia. [Ritim Jon 15:14.] Dispela stori i soim olsem man i tok em i Kristen dispela tasol i no inap, em i mas mekim sampela samting moa.” Soim stori i kirap long pes 26.

Wastaua Me 1

“Taim pikinini i dai, dispela i save givim bikpela pen i stap longpela taim long papamama. Yu ting wanem samting inap mekim gut bel bilong ol? [Larim man i bekim tok. Ritim Rom 15:⁠5.] Dispela nius i stori long sampela rot em God i save mekim gut bel bilong ol man i krai sori.”