Gutpela Piksa Yumi Olgeta i Ken Bihainim
Em i pas gut wantaim God. Em i givim laip bilong em olgeta long mekim laik bilong Jehova. “Wokabaut bilong en i stret long ai bilong God” na long dispela as em i kisim blesing. Dispela man em Noa, em i gutpela piksa long ol yangpela na lapun i ken bihainim. (Stt. 6:9) Vidio Noah—He Walked With God bai helpim yu long piksaim long tingting i stap bilong Noa i wanem kain, na bilong wanem i stret Jehova i mekim gut long em, na olsem wanem yu ken bihainim ol gutpela pasin bilong em.
Noa vidio i stap long DVD i gat wanpela tes. Lukim vidio, na bihain traim save bilong yu na bekim ol dispela askim: (1) Sampela ensel i mekim wanem rong? Ol traipela man ol i kolim Nefilim ol i husat? (Stt. 6:1, 2, 4) (2) Bilong wanem pasin bilong ol manmeri i kamap nogut tru? God i ting olsem wanem long dispela? (Stt. 6:4-6) (3) Olsem wanem Noa i narapela kain? (Stt. 6:22) (4) Ol man nogut i kisim bagarap long wanem rot? (Stt. 6:17) (5) Wanem sais bilong sip? (Stt. 6:15) (6) Noa i mekim wanem narapela wok? Ol manmeri i mekim wanem? (Mt. 24:38, 39; 2 Pi. 2:5) (7) Long olgeta lain animal, hamas i stap insait long sip? (Stt. 7:2, 3, 8, 9) (8) Ren i pundaun inap hamas de? Wara i karamapim graun olgeta inap hamas de? (Stt. 7:11, 12; 8:3, 4) (9) Bilong wanem Noa na famili bilong em i abrusim bagarap? (Stt. 6:18, 22; 7:5) (10) Sip i pas long wanem hap? (Stt. 8:4) (11) Olsem wanem Noa inap save long wanem taim i gutpela long lusim sip? (Stt. 8:6-12) (12) Noa i mekim wanem taim em i lusim sip? (Stt. 8:20-22) (13) Renbo i makim wanem samting? (Stt. 9:8-16) (14) Wanem mining bilong tok ‘wokabaut stret long ai bilong God’? (Stt. 6:9, 22; 7:5) (15) Yumi mas mekim wanem bambai yumi ken lukim Noa long Paradais? (Mt. 28:19, 20; 1 Pi. 2:21)
Baibel i stori long Noa i stap gut long God na i bihainim tok. Dispela stori i bin lainim yu long wanem ol samting yu inap mekim bilong ‘wokabaut stret long ai bilong God’ na long bilip olsem Jehova inap kisim bek lain bilong em i stap long nau?—Stt. 7:1; Snd. 10:16; Hi. 11:7; 2 Pi. 2:9.