Wanpela Vidio Bilong Tingting Gut Long En
“Dispela vidio i kirapim yumi long wokim gut tingting!”
“Mi pilim tru long bel ol tok bilong dispela vidio!”
“Bel bilong mi i kirap tru!”
1 Yu bin pilim olsem long namba wan taim yu lukim vidio Young People Ask—How Can I Make Real Friends? Sampela yia i go pinis wanpela yangpela brata i kisim hevi long i stap bilong em. As bilong dispela em ol pren em i save raun wantaim. Ol dispela pren i mekim na em i no tingting moa long tok i tru na pasin bilong em long pas gut wantaim Jehova. Long dispela taim ol Witnes i kamapim vidio Real Friends. Em i raitim pas i tok olsem: “Taim mi wok long lukim dispela vidio planti taim, aiwara i wok long pundaun. Mi bin tok tenkyu long helpim Jehova i givim mi long taim stret.” Vidio i bin kirapim em long senisim pasin bilong em na painim ol gutpela pren. Em i tok moa olsem: “Em i klia tru olsem yupela i save long ol samting i save painim ol yangpela long nau.” Em bai gutpela tru sapos yupela ol papamama na ol yangpela i lukim gen dispela vidio long neks famili stadi bilong yupela. Taim wanpela hap bilong vidio i pinis, stopim vidio na toktok gut wantaim na kamapim tingting tru bilong yu long ol dispela askim i stap long ol paragraf i kamap bihain long dispela.
2 Kirap (Introduction): Wanem samting i mekim na man em i stap olsem wanpela pren tru?—Snd. 18:24.
3 Ol Samting i Pasim Yu Long Kamap Pren (Roadblocks to Friendship): Yu ken mekim wanem taim yu pilim bel hevi long yu no insait long ol samting ol narapela i insait long en? (Fl. 2:4) Bilong wanem yu mas redi long mekim pasin bilong yu i kamap gutpela moa? Husat inap helpim yu long mekim olsem? Wanem samting bai opim rot long yu long kamap pren bilong sampela manmeri moa? Yu inap painim ol pren long wanem hap?—2 Ko. 6:13.
4 Kamap Pren Bilong God (Friendship With God): Yu ken mekim wanem bilong pas gut moa wantaim Jehova? Bilong wanem em i gutpela long mekim olsem? (Sng. 34:8) Husat tasol inap strongim pasin bilong yu long i stap pren bilong God?
5 Ol Poroman Nogut (The Wrong Kind of Friends): Husat ol i stap olsem ol poroman nogut? (1 Ko. 15:33) Olsem wanem ol pren nogut inap bagarapim yu long ol samting bilong spirit? Stori bilong Daina long Baibel i givim wanem skul long yu?—Stt. 34:1, 2, 7, 19.
6 Wanpela Drama Bilong Nau (A Modern-Day Drama): Tara i pilim olsem em i no gat pren. Dispela i bin mekim wanem long em? Em i mekim wanem tok bilong kamapim olsem i no gat rong long poromanim ol yangpela husat ol i no Witnes? Ol pren i mekim na wanem ol hevi i laik painim em? Wanem samting i mekim na papamama bilong em i no bin luksave long hevi bilong em? Tasol olsem wanem papamama i bin senisim tingting bilong ol na dispela i bin helpim Tara long kamap strong gen long samting bilong spirit? Olsem wanem wanpela sista painia i bin stap olsem pren tru bilong Tara? Bilong wanem ol Kristen i mas bihainim tok bilong Sindaun 13:20 na Jeremaia 17:9? Ol samting i bin painim Tara i skulim em long wanem ol bikpela samting?
7 Pinis (Conclusion): Taim yu lukim dispela vidio, yu kisim save long wanem ol bikpela samting? Olsem wanem yu ken yusim save yu kisim bilong helpim ol arapela?—Sng. 71:17.