Yu Save Long Ol Samting Yu Inap Kisim Olsem Senis Bilong Blut?
Long planti hap bilong graun, planti haus sik i orait long ol dokta i katim man na ol i no mekim wok long blut. Yu save gut long wanem ol marasin samting i stap em man inap kisim na em i no ken kisim blut? Yu mas save na bai yu ken mekim ol disisen i stret long wanem marasin samting yu ken kisim taim yu sik o long taim yu mas kisim operesen. Lukim vidio No Blood—Medicine Meets the Challenge. Bihain, beten na tingim gen ol samting yu lain long en long rot bilong bekim ol askim i stap daunbilo.—Tingim: Vidio i soim ol sotpela piksa bilong dokta i katim man, olsem na papamama i mas bihainim savetingting taim ol i lukim dispela vidio wantaim ol liklik pikinini.
(1) Wanem nambawan as na ol Witnes Bilong Jehova i no laik kisim blut? (2) Taim ol Witnes Bilong Jehova i mas kisim marasin samting, ol i laik bai ol dokta i ken mekim wanem? (3) Ol sikman i gat rait long mekim wanem? (4) Bilong wanem em i gutpela tingting long kisim ol marasin samting i no gat blut long en? (5) Taim sikman i lusim planti blut, i gat wanem tupela bikpela samting ol dokta i mas mekim? (6) I gat wanem 4-pela samting ol dokta i ken mekim na i no gat wok long givim blut? (7) Olsem wanem ol dokta i ken (a) stopim planti blut long lus, (b) mekim na planti retpela sel bilong blut i no lus, (c) helpim bodi long wokim blut, (d) kisim bek blut i lus? (8) Stori long wok bilong (a) hemodilution na (b) cell salvage. (9) Gutpela sapos yu save long wanem samting bilong ol marasin ol dokta i ken mekim wok long en na i no gat wok long givim blut? (10) Ol dokta inap mekim ol bikpela operesen na i no gat wok long givim blut? (11) Planti dokta moa i orait long mekim wanem?
Sampela pasin ol i mekim wok long en long vidio em samting bilong wan wan yet long skelim gut na bihainim maus bilong bel em Baibel i skulim pinis. Olsem wanem? Yu tingting pinis long makim wanem marasin samting na rot bilong stretim sik samting em yu na ol pikinini bilong yu i ken kisim, na yu pulapim pinis ol tok long kat Medical Directive/Release? Bilong save gut long ol dispela samting, skelim ol tok i stap long hap bilong “Askim” long Wastaua bilong Jun 15, 2004, na Wastaua bilong Oktoba 15, 2000. Yu mas stori gut long ol famili bilong yu i no Witnes long ol disisen bilong yu.
[Blok long pes 3]
• Olsem wanem? Yu wokim disisen pinis long wanem kain marasin samting em yu na ol pikinini bilong yu bai i orait long kisim?
• Olsem wanem? Yu karim wanpela kat Medical Directive/Release em yu raitim pinis ol tok long en bilong redi sapos taim nogut i painim yu?