Yu Mas Lukim Video No Blood—Medicine Meets the Challenge
1 Olsem wanem? Yu save gut long ol marasin samting i no gat blut long en? Yu save long sampela samting ol dokta i ken mekim na i no gat wok long givim blut? Lukim dispela video, na traim save bilong yu wantaim ol dispela askim.—Harim: Dispela video i kamapim sampela piksa bilong ol dokta i katim man, olsem na ol papamama i mas tingting gut taim ol i lukim dispela video wantaim ol liklik pikinini.
2 (1) Wanem samting i nambawan as na ol Witnes Bilong Jehova i no laik kisim blut, na dispela stiatok i stap long wanem hap bilong Baibel? (2) Taim yumi mas kisim marasin samting, yumi laik bai ol dokta i ken mekim wanem? (3) Ol sikman i gat rait long mekim wanem? (4) I gat wanem as na em i pasin bilong bihainim gutpela tingting long sakim blut? (5) Taim man i lusim planti blut, i gat wanem tupela bikpela samting ol dokta i mas mekim? (6) Wanem ol sik samting inap kamap long pasin bilong kisim blut? (7) Wanem sampela tul ol dokta inap mekim wok long en bilong helpim man na planti blut i no ken lus taim ol i katim em? (8) Gutpela sapos yu save long wanem samting bilong ol marasin samting ol dokta i ken mekim wok long en na i no gat wok long givim blut? (9) Yu ting ol dokta inap mekim ol bikpela operesen na ol i no gat wok long givim blut? (10) Planti dokta moa i orait long mekim wanem long ol Witnes Bilong Jehova, na ating bihain ol inap bihainim wanem pasin bilong helpim olgeta sikman?
3 Em bai gutpela tru long lukim video No Blood wantaim ol Baibel-stadi, poroman marit o ol wanblut i no Witnes, ol wanwok, ol tisa, na ol wanskul em ol i gat askim long pasin bilong yumi long sakim blut. Ol rot bilong stretim sik em video i kamapim, em samting wan wan man yet i mas makim na i stret wantaim maus bilong bel bilong ol.—Lukim “Askim” long Wastaua bilong Jun 15 na Oktoba 15, 2000.