Kisim Helpim Long Vidio No Blood​—⁠Medicine Meets the Challenge

Olsem wanem? Yu save gut long ol marasin samting i no gat blut long en? Yu kliagut long sampela samting ol dokta i ken mekim na i no gat wok long givim blut na olsem wanem ol dispela samting i save wok? Lukim dispela vidio na traim save bilong yu long ol dispela askim.​—⁠Harim: Dispela vidio i kamapim sampela piksa bilong ol dokta i katim man, olsem na ol papamama i mas tingting gut na skelim sapos ol liklik pikinini i ken lukim o nogat.

(1) Wanem nambawan as na ol Witnes Bilong Jehova i no laik kisim blut, na dispela stiatok i stap long wanem hap bilong Baibel? (2) Taim yumi mas kisim marasin samting, yumi laik bai ol dokta i ken mekim wanem? (3) Ol sikman i gat rait long mekim wanem? (4) Bilong wanem em i gutpela tingting long sakim blut? (5) Taim sikman i lusim planti blut, ol dokta i gat wanem tupela bikpela samting ol i mas mekim? (6) Wanem ol sik samting inap kamap long pasin bilong kisim blut? (7) I gat wanem ol masin i stap em ol dokta i ken mekim wok long en bilong helpim man na planti blut i no ken lus taim ol i katim em? (8) Gutpela sapos yu save long wanem samting bilong ol marasin ol dokta i ken mekim wok long en na i no gat wok long ol i givim blut? (9) Olsem wanem? Ol dokta inap mekim ol bikpela operesen na i no gat wok long ol i givim blut? (10) Planti dokta moa i orait long mekim wanem long ol Witnes Bilong Jehova, na ating bihain ol inap bihainim wanem pasin bilong helpim olgeta sikman?

Ol rot bilong stretim sik em vidio i kamapim, em samting wan wan man yet i mas makim na i stret wantaim maus bilong bel bilong ol.​—⁠Lukim Wastaua bilong Jun 15, 2004, p. 22-24, 29-31, na Wastaua bilong Oktoba 15, 2000, p. 30-31.