Ol Miting Bilong Wok

Wik i Kirap Long Disemba 9

Singsing 193

12 min: Ol toksave bilong kongrigesen. Sampela Toksave bilong Wok Kingdom. Kirapim olgeta long lukim gen ol tok bilong kibung sekit em ol i bin raitim long notbuk bilong redi long hap bilong Miting Bilong Wok long wik antap. Bihainim ol tok i stap long p. 8 na mekim ol soim long pasin bilong tilim Wastaua na Kirap!, o yupela i ken bihainim ol tok i stap long Wok Kingdom bilong las mun sapos yupela i no kisim yet ol magasin em Wok Kingdom bilong dispela mun i stori long en.

15 min: “Autim Tok Bilong Kingdom.”a Taim yu stori long par. 3, kamapim sampela tok long pasin bilong ritim stret tok bilong Baibel taim yumi autim gutnius.​​—⁠km 12/01 p. 1 par. 3.

18 min: Askim. Wasman autim tok i mekim olsem wanpela tok, na kolim klia ol samting inap kamap taim yumi autim tok long ol teritori bilong kongrigesen.

Singsing 119 na beten.

Wik i Kirap Long Disemba 16

Singsing 29

7 min: Ol toksave bilong kongrigesen. Ripot bilong ol akaun. Toksave long ol bung bilong mekim bikpela wok bilong autim tok long Disemba 25.

15 min: Ol Manmeri i Gat Gutpela Tingting Ol Bai Save. (Dan. 12:​3, 10) Mekim wanpela soim. Man i laik kisim sampela save moa i askim: “Olsem wanem mi inap save tru olsem yupela i gat stretpela save long ol tok bilong Baibel?” Pablisa i stori gut long pasin bilong bihainim lista bilong ol tok bilong kisim sampela save moa long ol tok bilong Baibel. (w96 5/15 p. 19-​20) Em i mekim wok long wanpela o tupela liklik het-tok long p. 147-152 long buk Toktok Gut, na em i kamapim klia olsem wanem pasin bilong skelim gut ol tok bilong Baibel i bin helpim yumi long kisim gut save long samting God i tingting pinis long mekim long dispela graun. Pablisa i stori gut long olsem wanem man inap bihainim wankain pasin bilong stadi na bai em inap kisim stretpela save long ol narapela tok bilong Baibel, na em i tokim man long em i laik mekim Baibel-stadi wantaim em.

23 min: ‘Pret Long God na Litimapim Nem Bilong Em.’ (KTH 14:⁠7) Wanpela tok na kamapim sampela askim bilong kamapim gen sampela tok bilong program bilong kibung sekit bilong sevis yia i go pinis. Kirapim ol pablisa long stori long ol bikpela tok ol i bin kisim save long en, na olsem wanem ol yet o famili bilong ol i bin bihainim ol dispela tok. (Sampela de paslain yu ken makim sampela pablisa long stori long ol hap bilong kibung.) Stori long ol dispela tok: (1) “Helpim Ol Nupela Man Long Kisim Pasin Bilong Pret Long God.” Olsem wanem yumi inap helpim ol man i kam long Memorial long kisim sampela save moa na kamap ol wokboi bilong Jehova? (2) “Ol Man i Pret Long Jehova Ol i Mas Nolaik Tru Long Pasin Nogut.” (w87 11/1 18-​20) Olsem wanem tok bilong Sindaun 6:​16-​19 inap helpim yumi long sakim ol pasin Jehova i nolaik tru long en​​—⁠pasin antap, tok giaman, wok strong long kisim planti samting bilong skin, ol amamas nogut, na mekim wok nogut long Intenet? (3) “Pas Gut Moa Yet Long Ol Lain Yu Laikim Ol Tru.” Yumi laikim tru Jehova, Jisas, famili bilong yumi, na ol narapela long kongrigesen; olsem wanem pasin bilong pas gut wantaim ol i lukautim yumi na bai ol pasin bilong dispela graun i no ken bagarapim yumi? (4) “Pret Long Jehova, Ol Man Nogat.” Olsem wanem pasin bilong pret long mekim ol samting Jehova i no laikim i bin helpim yu long daunim pasin bilong sem taim yumi autim tok, o long bihainim ol stiatok bilong God long ples wok o long skul, o long yu no larim bos i pasim yu long i go long ol miting na kibung samting? (5) “Mekim Olgeta Samting Bilong Givim Biknem Long God.” (Sng. 119:37; Hi. 4:​13) Bilong wanem pasin bilong pret long God i mas pasim yumi long dring planti tumas, lukim ol piksa nogut bilong pasin sem, o mekim ol narapela sin long pasin hait? (6) “Bihainim Yet Pasin Bilong Pret Long God.” Jehova i bin blesim yu olsem wanem taim yu larim spirit bilong em i stiaim olgeta samting long i stap bilong yu?​​—⁠Sng. 31:19; 33:18; 34:​9, 17; 145:⁠19.

Singsing 154 na beten.

Wik i Kirap Long Disemba 23

Singsing 148

5 min: Ol toksave bilong kongrigesen. Stretim rot bilong lukim video No Blood​​—⁠Medicine Meets the Challenge bilong redi long hap bilong Miting Bilong Wok long wik i kirap long Janueri 6.

20 min: I No Sem Long Autim Gutnius. (Ro. 1:​16) Yangpela i kamapim wanpela hevi long papa. Yangpela i no laik bai ol narapela i save olsem em i wanpela Witnes Bilong Jehova, long wanem, em i pret long ol wanlain i tok bilas long em. Papa i tok tenkyu long pikinini i kamapim stret hevi bilong em. Em i kamapim stori long samting Pita i bin mekim, long wanem, em i pret long ol wanlain. (Mt. 26:​69-​74) Papa i mekim dispela tok: Yumi no ken sem liklik long yumi i Kristen. (Mk. 8:​38) Taim yu tokim ol narapela long skul olsem yu wanpela Witnes, dispela bai helpim yu. Planti tisa bai rispektim ol bilip bilong yu na bai ol i no inap subim yu long insait long ol samting yu no orait long en. Ating ol yangpela i no gat gutpela tingting ol bai i no subim yu long mekim pasin i no stret. Ol wanklas bai save long as na yu no laik kisim boipren o gelpren, o insait long ol spot o ol narapela samting klas i save mekim taim skul i pinis. Papa na yangpela ol i toktok wantaim long ol tok bilong liklik het-tok “Tokaut Olsem Yu Stap Pren Bilong God” long buk Askim Bilong Ol Yangpela, p. 316-​318. Yangpela i tok tenkyu long gutpela tok bilong papa.

20 min: “Yu Save Helpim Wok Bilong Kamapim Ripot i Stret?”b Taim yupela i toktok long par. 2, kamapim sampela tok bilong buk Lo, p. 106-108.

Singsing 165 na beten.

Wik i Kirap Long Disemba 30

Singsing 152

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong Disemba. Sapos kongrigesen bilong yupela bai senisim taim bilong mekim ol miting long nupela yia, long gutpela pasin kirapim olgeta long kam oltaim long ol miting long ol dispela nupela taim kongrigesen i makim. Toksave long samting bilong tilim long Janueri, stori long ol buk i stap long kongrigesen.

15 min: Sampela tok bilong helpim kongrigesen.

20 min: Sanap Strong Long Tok i Tru Long Skul. Mekim inteviu long wanpela o tupela yangpela pablisa em ol bai go bek gen long skul long nupela yia, na ol i save olsem ol i no ken bung tumas wantaim ol wanklas i no wanbilip. Ol i tingting long mekim wanem na bai ol inap karim ol hevi i kamap taim ol i bung long litimapim kantri, holide na betde pati, ol spot i save kamap taim skul i pinis, na ol pasin doti? Kamapim sampela tok long ol samting ol i tingting long mekim bilong autim tok long skul.

Singsing 147 na beten.

Wik i Kirap Long Janueri 6

Singsing 67

8 min: Ol toksave bilong kongrigesen.

20 min: Helpim Yumi Kisim Long Bihainim Lo Bilong God Long Blut. Wanpela elda i save gut long mekim tok i mekim dispela tok em i kisim long autlain i kam long brens-ofis na long pepa i stap insait long dispela Wok Kingdom long p. 3. Kuskus i mas i gat ol kat Advance Medical Directive/Release na Identity Card inap long ol brata i ken kisim. Ol pablisa i baptais pinis i ken kisim dispela kat bihain long dispela miting, tasol long nau yet ol i NO KEN raitim ol tok long kat. Ol brata sista i ken sainim nem na raitim det samting long kat long Buk-Stadi Bilong Kongrigesen long wik antap, na wasman bilong Buk-Stadi i ken helpim ol sapos ol i mas kisim helpim. Ol brata i sainim nem olsem witnes i mas lukim brata o sista i sainim nem bilong em long kat.

17 min: “Yu Mas Lukim Video No Blood​​—⁠Medicine Meets the Challenge.” Elda i save gut long mekim tok i lukautim dispela hap. Kirap stret long toktok wantaim odiens long video No Blood, kamapim ol askim i stap long blok long p. 1. Bihain, ritim laspela paragraf long blok.

Singsing 79 na beten.

[Ol Futnot]