Ol Tok Bilong Tilim Ol Nius

Wastaua Disemba 1

“Long dispela taim long olgeta yia, planti i save wokim piksa bilong bebi Jisas i slip long bokis kaikai bilong makim dispela stori bilong Baibel. [Ritim Matyu 2:​1, 11.] Yu luksave olsem tok Baibel i mekim i narapela kain long samting ol i save mekim long nau? [Larim man i bekim tok.] Dispela atikol i stori long samting tru tru i bin kamap.” Soim stori i kirap long pes 31.

Awake! Disemba

“Mi laik kisim tingting bilong yu long wanpela tok Jisas i bin mekim. [Ritim Matyu 5:⁠3.] Long nau i gat planti lotu, olsem na yu ting rot yumi makim bilong save long God dispela i bikpela samting? [Larim man i bekim tok.] Dispela atikol i kamapim tok bilong Baibel long olsem wanem yumi ken save tru long God.” Stori long atikol i kirap long pes 12.

Wastaua Janueri 1

“Ol lotu i gat narapela narapela tingting long pasin bilong dring alkohol. Yu ting God i gat wanem tingting long man i dring alkohol? [Larim man i bekim tok.] Tru Baibel i stori long wanpela taim Jisas i tanim wara i kamap wain, tasol Baibel i mekim tu dispela tok. [Ritim Sindaun 23:20a.] Dispela magasin i kamapim tok Baibel i mekim long dispela samting.”

Kirap!Janueri-Mas

“Planti hevi i save painim ol famili. Yu ting ol famili inap kisim we ol gutpela tok bilong helpim ol? [Larim man i bekim tok. Bihain ritim Song 32:⁠8.] Dispela spesel Kirap! i stori long sampela stiatok bilong Baibel na taim famili i bihainim, dispela inap helpim ol.”