Yusim DVD Taim Yu Skulim Man
Taim Jehova i givim wanpela bikpela tok long Abraham na Jeremaia, em i save tokim ol long dispela samting, na tu, em i save soim long ol. (Stt. 15:5; Jer. 18:1-6) Yumi inap helpim ol sumatin bilong yumi long kisimgut ol tok i tru bilong Baibel na pilim tru taim yumi yusim ol samting ol inap lukim, olsem ol DVD bilong yumi. Daunbilo i gat sampela tingting long wanem taim yu inap soim wanpela bilong ol DVD. Ol Baibel stadi i no wankain, olsem na dispela em sampela tingting bilong helpim yu.
Buk Baibel i Tok
◻ Sapta 1: Bihain long paragraf 17, lukim The Wonders of Creation Reveal God’s Glory
◻ Sapta 2: Long pinis bilong en, lukim The Bible—Mankind’s Oldest Modern Book
◻ Sapta 9: Bihain long paragraf 14, lukim Jehovah’s Witnesses—Organized to Share the Good News
◻ Sapta 14: Long pinis bilong en, lukim The Bible—Its Power in Your Life
◻ Sapta 15: Bihain long paragraf 10, lukim Our Whole Association of Brothers
Buk “Pasin Laikim Bilong God”
◻ Sapta 3: Bihain long paragraf 15, lukim Young People Ask—How Can I Make Real Friends?
◻ Sapta 4: Long pinis bilong en, lukim Respect Jehovah’s Authority
◻ Sapta 7: Bihain long paragraf 12, lukim No Blood—Medicine Meets the Challenge
◻ Sapta 9: Bihain long paragraf 6, lukim Warning Examples for Our Day
◻ Sapta 17: Long pinis bilong en, lukim ‘Walk by Faith, Not by Sight’
Olsem wanem? I gat ol narapela DVD em wanpela sumatin bilong yu inap lukim na dispela i strongim em? Olsem: Sampela em ol i karim hevi long ol man i birua long ol, ating taim ol i lukim DVD Faithful Under Trials—Jehovah’s Witnesses in the Soviet Union o Jehovah’s Witnesses Stand Firm Against Nazi Assault, dispela inap strongim ol. Na DVD Pursue Goals That Honor God na Young People Ask—What Will I Do With My Life?, inap helpim ol yangpela. Long buk bilong yu yet—em Baibel i Tok na “Pasin Laikim Bilong God”—raitim liklik toksave bilong yu ken tingim wanem taim yu ken soim wanpela DVD long sumatin bilong yu, o givim long em na em i ken lukim. Taim yu kisim nupela DVD, tingting long hau bai yu yusim bilong putim tok i go daun long bel bilong Baibel sumatin bilong yu.—Luk 24:32.