Rot Bilong Autim Tok

Bilong Kirapim Baibel Stadi Long Namba 1 Sarere Bilong Septemba

“Halo, mipela raun na stori liklik long wanpela gutpela tok bilong Baibel bilong helpim ol marit na bai marit bilong ol inap stap gut. Yu ting wanem as na ol marit i no stap amamas?” [Larim man i bekim tok.] Soim laspela pes bilong Wastaua bilong Septemba 1, na stori long ol tok i stap aninit long namba 1 askim na ritim wanpela skripsa. Tilim magasin, na stretim rot long go bek na stori long namba 2 askim.

Wastaua Septemba 1

“Mipela i toktok wantaim ol man, long wanem, planti man i laik save long as na God i larim pen na hevi i stap. Ating yu tu bin tingim dispela samting, a? [Larim man i bekim tok.] Baibel i tok promis olsem bihain bai krai na pen i pinis olgeta. [Ritim Revelesen 21:4.] Dispela magasin i kamapim 5-pela as na i gat pen na hevi i stap. Na tu, em i kamapim tok bilong Baibel long rot em God bai pinisim pen na hevi.”

Kirap! Septemba

“Mipela i laik kamapim sampela tok long wanpela de em sampela hap i save selebretim, em Halowin. Sampela i bihainim tok lukaut bilong Baibel na ol i no selebretim dispela de. [Ritim Wok Pris 19:31.] Sampela i no bilip long ol strongpela spirit na ol i ting Halowin em de bilong amamas tasol na i no inap bagarapim ol. Yu gat wanem tingting? [Larim man i bekim tok.] Dispela magasin i stori long ol samting nogut i save kamap long Halowin.”