Rot Bilong Autim Tok

Bilong Kirapim Baibel Stadi Long Namba 1 Sarere Bilong Oktoba

“Mipela i raun na stori liklik wantaim ol man long dispela hap. Planti man mipela i toktok wantaim, ol i tok wanpela bikpela hevi em planti i save karim, em taim wanpela long famili i dai. Yu save pilim olsem tu? [Larim man i bekim tok.] Dispela tok inap strongim tru yumi.” Soim laspela pes bilong Wastaua bilong Oktoba 1, na stori wantaim em long ol tok i stap aninit long namba 1 askim na ritim wanpela skripsa. Tilim magasin na stretim rot long go bek na stori long namba 2 askim.

Wastaua Oktoba 1

“Mipela i wok long strongim ol man long ritim Baibel bilong ol. Mipela i save sampela man ol i amamas long ritim Baibel; tasol sampela nogat. Olsem wanem long yu? [Larim man i bekim tok.] Lukim tok Baibel i mekim. [Ritim 1 Tesalonaika 2:13.] Mi save bai yu wanbel long tok olsem Baibel em buk bilong God, na em i bikpela samting long ritim. Dispela magasin i stori long Baibel i wanem kain buk, na bilong wanem yumi mas ritim.”

Kirap! Oktoba

“Mi laik kisim tingting bilong yu long dispela askim: Yu ting sapos man i no gat planti samting bilong skin em inap stap amamas? [Larim man i bekim tok.] Lukim tok Baibel i mekim. [Ritim 1 Timoti 6:8.] Dispela magasin i helpim yumi long kisim stretpela tingting long ol samting bilong skin na em i stori long 3-pela bikpela samting em yumi no inap baim long mani.”