Rot Bilong Autim Tok

Bilong Kirapim Baibel Stadi Long Namba 1 Sarere Bilong Oktoba

“Mipela i raun na stori liklik wantaim ol man long wanpela gutpela gavman. Yu ting olgeta gavman i gat strong long pinisim tru ol bikpela hevi, olsem pait na kilim man na pasin i no stret?” Larim man i bekim tok. Tokim man olsem long dispela Beten Bilong Bikpela—Jisas i bin skulim ol disaipel long beten long wanpela gutpela gavman, Kingdom Bilong God, i mas i kam. Soim em laspela pes bilong Wastaua bilong Oktoba, na skelim wantaim em namba 1 askim na ritim wanpela skripsa. Tilim magasin na stretim rot bilong go bek na stori long namba 2 askim.

Wastaua Oktoba 1

“Mipela i stori liklik wantaim ol man long ol dispela tok bilong beten em Jisas i bin skulim ol disaipel long en. [Ritim Matyu 6:9, 10.] Olsem wanem? Wanpela i bin stori gut long yu long Kingdom Bilong God em i wanem samting?, na bilong wanem Jisas i stori planti long Kingdom taim em i skulim ol man? [Larim man i bekim tok.] Dispela nius i kamapim tok Baibel i mekim long Kingdom Bilong God, na i stori tu long ol gutpela samting Kingdom bai mekim long dispela graun.”

Kirap! Oktoba

“Mipela i raun na helpim ol man long kisim bekim bilong dispela askim. [Soim fran pes bilong nius.] Yu ting man i mas kamap maniman na bai em inap stap gut tru? [Larim man i bekim tok.] Baibel i kamapim stretpela tingting yumi mas kisim long mani kago. [Ritim Luk 12:15.] Baibel i tok, olgeta man inap long i stap gut tru. Dispela nius i stori gut long dispela samting.”