Rot Bilong Autim Tok

Bilong Kirapim Baibel Stadi Long Namba 1 Sarere Bilong Me

“Mipela i raun na stori liklik long dispela askim. [Soim em namba 1 askim long laspela pes bilong Wastaua bilong Me 1.] Yu gat wanem tingting?” Larim man i bekim tok. Stori wantaim em long ol tok i stap aninit long namba 1 askim na ritim wanpela skripsa. Tilim magasin na stretim rot long go bek na stori long namba 2 askim.

Wastaua Me 1

“Mipela i laik stori liklik long wanpela samting em planti man i save tingting long en, olsem ol i laik save wanem samting bai kamap long bihain. Taim yu tingim ol samting bai kamap long bihain, yu gat wanem tingting? Yu bilip olsem gutpela samting bai kamap, o yu tingting planti? [Larim man i bekim tok. Bihain ritim skripsa i stap long blok “Ol Samting Bai Kamap Bihain Em God i Tokaut Pinis Long En.”] Dispela magasin i stori long ol samting God i tok long en bai kamap, na i stori tu long as na yumi ken bilip olsem ol bai kamap tru.”

Kirap! Me

“Mipela i laik helpim ol man long olsem wanem yumi inap daunim pasin bilong tingting planti long ol hevi. Olsem wanem? Yu ting long nau ol man i kisim bikpela presa moa long ol hevi winim bipo? [Larim man i bekim tok.] Planti man i luksave olsem ol savetok bilong Baibel inap helpim ol long karim hevi bilong tingting planti. Em hia wanpela eksampel. [Ritim Matyu 6:34.] Dispela magasin i stori long olsem wanem ol stiatok bilong Baibel inap helpim yumi long daunim 4-pela samting we i as na planti man i save tingting planti.”

Tingim: Ol bisnisman bai laikim dispela magasin.