Rot Bilong Autim Tok

Bilong Kirapim Baibel Stadi Long Namba 1 Sarere Bilong Februeri

“Ol man yumi toktok wantaim ol, ol i gat narapela narapela tingting long Baibel. Sampela i bilip olsem em i Tok Bilong God, na sampela i tok em i wanpela buk tasol. Yu yet i gat wanem tingting long Baibel?” Larim man i bekim tok. Soim laspela pes bilong Wastaua bilong Februeri 1, na stori wantaim em long ol tok i stap aninit long namba 1 askim na ritim wanpela skripsa. Tilim magasin na stretim rot long go bek na stori long namba 2 askim.

Wastaua Februeri 1

“Planti man i laik bai ol woa i pinis. Yu ting bel isi inap kamap tru long graun? [Larim man i bekim tok.] Lukim tok promis Baibel i mekim. [Ritim Song 46:9.] Ol bikpela hevi i bin kamap long taim bilong Wol Woa 1 na bihain long en, i helpim yumi long save olsem klostu nau God bai truim dispela tok profet na pinisim ol woa. Dispela magasin i stori long dispela samting.”

Kirap! Februeri

“Mipela i kam toktok wantaim ol man long wanpela hevi yumi olgeta i save pilim. I luk olsem i no gat taim bilong pinisim olgeta wok samting yumi laik mekim. Yu ting yumi no gat taim, long wanem, yumi gat planti wok tumas o yumi no yusim gut taim bilong yumi? [Larim man i bekim tok.] Planti man i no save long ol stiatok bilong Baibel we inap helpim yumi long yusim gut taim bilong yumi. Lukim dispela stiatok. [Ritim Filipai 1:10a.] Dispela magasin i kolim 4-pela samting we inap helpim ol man long yusim gut taim bilong ol.”