Rot Bilong Autim Tok

Bilong Kirapim Baibel Stadi Long Namba 1 Sarere Bilong Februeri

“Planti man i ting olsem Satan i as bilong olgeta pasin nogut bilong graun. Tasol ol i laik save: ‘Satan i kamap olsem wanem? God i bin wokim em?’ Yu gat wanem tingting? [Larim man i bekim tok.] Lukim dispela tok.” Soim baksait bilong Wastaua bilong Februeri 1, na skelim namba 1 paragraf wantaim em na ritim wanpela skripsa. Tilim magasin na stretim rot bilong go bek na stori long namba 2 askim.

Wastaua Februeri 1

“Mipela i laik kisim tingting bilong yu long wanpela man em ol Kristen, ol Juda, na Muslim i save tingim na rispek tru long en. Dispela man em Moses. Taim yu harim nem bilong Moses, wanem namba 1 samting yu tingim? [Larim man i bekim tok.] Moses i bin mekim planti popaia, tasol tingim stori em Baibel i mekim long em. [Ritim Lo 34:10-12.] Dispela magasin i stori long tripela bilong ol gutpela pasin bilong em na olsem wanem yumi inap bihainim pasin bilong em.”

Kirap! Februeri

“Planti man long nau i save lusim as ples bilong ol na go sindaun long narapela kantri bilong kisim gutpela sindaun. Yu ting ol inap kisim kain gutpela sindaun olsem ol i bin tingting long en? [Larim man i bekim tok.] Pasin bilong lusim as ples na go sindaun long narapela kantri em i no nupela samting. Lukim dispela eksampel long namba 1 buk bilong Baibel. [Ritim Stat 46:5, 6.] Dispela magasin i stori long ol dispela askim.” Soim man long ol askim i stap long pinis bilong pes 6.