Rot Bilong Autim Tok

Bilong Kirapim Baibel Stadi Long Namba 1 Sarere Bilong Ogas

“Ol manmeri i gat kain kain lotu na ol i save bihainim kain kain pasin bilong lotuim God. Yu ting God i gat wanem tingting long dispela samting? [Larim man i bekim tok.] Lukim tok Jisas i mekim.” Givim em wanpela Wastaua bilong Ogas 1 na stori wantaim em long ol tok i stap aninit long namba 1 liklik het tok long pes 16, na ritim na stori long wanpela skripsa. Tilim magasin, na stretim rot long i go bek na stori wantaim em long narapela askim.

Wastaua Ogas 1

“Yu ting i gutpela long skulim ol pikinini long God taim ol i liklik yet, o yu ting i gutpela moa long wet inap ol i kamap bikpela na ol yet i ken makim bilip bilong ol? [Larim man i bekim tok.] Baibel i tok wanem long wok bilong ol papa? [Ritim Efesus 6:⁠4.] Dispela nius i kamapim sampela tok long olsem wanem ol papamama i ken skulim ol pikinini bilong ol long God.”

Kirap! Julai–Septemba

“Taim wanpela pren o wanblut i dai, dispela em wanpela samting we i save kamapim bikpela bel hevi tru, laka? [Larim man i bekim tok.] Dispela tok bilong Baibel i bin helpim planti man. [Ritim Song 55:22.] Dispela nius i stori long sampela gutpela samting yumi ken mekim bilong daunim bel hevi, na tu, em i stori long olsem wanem yumi ken putim ol hevi bilong yumi long han bilong God.”