Rot Bilong Autim Tok

Bilong Kirapim Baibel Stadi Long Namba 1 Sarere Bilong Ogas

“Klostu olgeta man i save beten long olgeta taim. Maski ol man i no bilip long God, ol tu i save beten taim hevi i painim ol. Yu ting God i save harim olgeta beten?” Larim man i bekim tok. Soim laspela pes bilong Wastaua bilong Ogas 1, na stori wantaim em long ol tok i stap aninit long namba 1 askim na ritim wanpela skripsa. Tilim magasin na stretim rot bilong go bek na stori long namba 2 askim.

Harim: Yupela i mas mekim dispela soim long bung bilong autim tok long Ogas 3.

Wastaua Ogas 1

“Mipela i raun na stori liklik wantaim ol man, long wanem, planti man i tingting planti long pasin bilong lukim ponografi, olsem ol piksa bilong pasin sem, i wok long i go bikpela. Sampela man i ting em i samting bilong amamas tasol na i no inap bagarapim man. Wanem tingting bilong yu? [Larim man i bekim tok.] Jisas i tok yumi inap luksave sapos samting i gutpela taim yumi lukim kaikai em i kamapim. [Ritim Matyu 7:17.] Dispela magasin i stori long ol samting em pasin bilong lukim ponografi i save kamapim. Na i kamapim tu sampela gutpela tok bilong helpim man long lusim dispela pasin.”

Kirap! Ogas

“Yumi olgeta i laik i stap longpela taim. Yu ting ol nupela nupela save bilong saiens inap mekim na wanpela taim bai yumi stap oltaim oltaim? [Larim man i bekim tok.] Lukim dispela gutpela tok promis. [Ritim 1 Korin 15:26.] Tasol hau bai God i mekim dispela samting i kamap—long rot bilong saiens o long narapela rot? Na bilong wanem yumi save go lapun na dai? Dispela magasin i kamapim ol tok bilong Baibel i bekim ol dispela askim.”