Rot Bilong Autim Tok

Bilong Kirapim Baibel Stadi Long Namba 1 Sarere Bilong Ogas

“Long nau ol man i tingim Jisas olsem wanpela bebi olsem em i bin stap 2,000 yia i go pinis o ol i tingim em olsem wanpela man i bin hangamap long diwai. Tasol yu ting Jisas i mekim wanem long nau? [Larim man i bekim tok.] Lukim tok dispela magasin i mekim.” Givim man bilong haus Wastaua bilong Ogas 1, na skelim wantaim em tok i stap aninit long namba 1 liklik het tok long pes 16 na ritim wanpela skripsa. Tilim magasin na stretim rot bilong i go bek na stori long narapela askim.

Wastaua Ogas 1

“Planti man i save bilip long ol mirakel. Sampela i no bilip tumas long mirakel. Yu ting tru tru ol mirakel i bin kamap? [Larim man i bekim tok.] Dispela tok promis long mirakel bai kamap bihain i mekim na planti man i wet long lukim dispela samting i kamap tru. [Ritim wanpela skripsa i stap long pes 9-10.] Dispela magasin i bekim 3-pela askim em ol man i gat long ol mirakel.”

Awake! Ogas

“Long nau planti man i pret long wokabaut ol yet, moa yet long nait. Yu ting i gat rot bilong mekim ol samting na bai pasin bilong bagarapim man i no go bikpela? [Larim man i bekim tok.] Dispela magasin i stori long sampela samting yumi inap mekim na bai yumi stap bel isi wantaim ol narapela. Na tu em i stori long olsem wanem dispela tok promis i stap long Baibel bai kamap tru.” Ritim Song 72:7.