Rot Bilong Autim Tok

Bilong Kirapim Baibel Stadi Long Fes Sarere Bilong Me

“Yu ting lotu i save kirapim ol man long mekim pasin laikim na stap bel isi o i kirapim ol long birua na pait na bagarapim man? [Larim man i bekim tok.] Mi laik soim yu magasin i stori long dispela samting.” Givim Wastaua bilong Me 1 long man bilong haus, na skelim wantaim em ol tok i stap aninit long fes liklik het tok long pes 16 na wanpela skripsa. Tilim magasin, na stretim tok long go bek na skelim bekim bilong narapela askim.

Wastaua Me 1

“Planti man i ting i gutpela long lotu i insait long wok politik, tasol sampela i ting lotu na politik i no ken wok bung wantaim. Yu gat wanem tingting? [Larim man i bekim tok.] Lukim samting Jisas i mekim taim ol man i laik bai em i insait long wok politik long taim bilong em. [Ritim Jon 6:15.] Dispela magasin i stori gut long as na Jisas i mekim olsem, na i stori long nambawan gutpela rot we ol Kristen i ken helpim komiuniti bilong ol.”

Awake! Me

“Klostu olgeta man mipela i toktok wantaim ol, ol i tok narapela i bin mekim pasin i no fea long ol. Yu ting i gat rot bilong pinisim dispela pasin i no stret? [Larim man i bekim tok.] Lukim dispela tok profet long wanpela king husat bai pinisim pasin i no fea. [Ritim Song 72:11-14.] Dispela magasin i stori long ol tok promis bilong Baibel long taim we stretpela pasin tasol bai i stap.”