Rot Bilong Autim Tok

Bilong Kirapim Baibel Stadi Long Fes Sarere Bilong Jun

Ritim Rom 10:13. Na tok: “Olsem dispela skripsa i tok, God i gat nem. Yu ting em i bikpela samting long yumi mas yusim nem bilong God? [Larim man i bekim tok.] Lukim tok dispela magasin i mekim.” Givim Wastaua bilong Jun 1 long man bilong haus, na yutupela i ken skelim ol tok i stap aninit long namba 1 het tok long pes 16. Stretim rot bilong i go bek lukim em na skelim bekim bilong namba 2 askim.

Wastaua Jun 1

“Mi laik kisim tingting bilong yu long wanpela bikpela tok. [Opim long pes 3 na soim 4-pela tingting ol man i gat.] Wanem tok i stap hia i wankain long tingting bilong yu long Baibel? [Larim em i bekim.] Lukim tok Baibel yet i mekim. [Ritim Rom 15:4.] Dispela magasin i stori long 5-pela as na Baibel em i narapela kain buk, na i stori long olsem wanem Baibel inap helpim yumi.”

Awake! Jun

“Long olgeta yia, planti milion manmeri long olgeta hap bilong graun i save kisim sik taim ol i kisim ol kaikai i no gutpela. Yu ting kaikai i stap long hap bilong yumi inap givim sik long yumi o nogat? [Larim em i bekim.] Dispela magasin i stori long 4-pela rot we yumi inap lukautim famili bilong yumi na yumi ken abrusim sik i kam long ol kaikai. Em i stori tu long tok promis bilong Baibel olsem klostu nau olgeta man bai kisim planti gutpela kaikai.” Ritim Song 104:14, 15.