Rot Bilong Autim Tok

Bilong Kirapim Baibel Stadi Long Namba 1 Sarere Bilong Jun

“Yumi olgeta i save bel hevi tru taim wanpela long famili o wanpela pren bilong yumi i dai, a? Yu ting yumi inap lukim ol gen? [Larim man i bekim tok.] Lukim dispela gutpela tok Baibel i mekim.” Ritim na stori long ol tok i stap aninit long namba 1 liklik het tok long pes 16 bilong Wastaua bilong Jun 1 na ritim wanpela skripsa ol i makim. Tilim magasin na stretim rot long go bek na skelim bekim bilong namba 2 askim.

Wastaua Jun 1

“Planti bilong yumi save hatwok stret long painim ol samting yumi mas i gat bilong helpim sindaun bilong yumi, na sampela i sot tru long ol dispela samting. Yu ting i gat wanpela taim bai kamap bihain we i no gat man bai i stap rabis? [Larim man i bekim tok. Ritim Song 9:18.] Dispela magasin i stori long samting i mekim na ol man i stap rabis, na em i kamapim tu tok Baibel i mekim long rot tru bilong pinisim dispela hevi.”

Awake! Jun

“Pasin teroris em wanpela bikpela hevi i kamap long olgeta hap bilong graun. Yu ting wanem samting i kirapim ol man long mekim pasin teroris? [Larim man i bekim tok.] Dispela tok bilong Baibel bai mekim gut bel bilong yumi. [Ritim Song 72:​7, 14.] Dispela magasin i stori long as na ol man i insait long pasin teroris, na em i kamapim tu tok Baibel i mekim long olsem wanem pasin teroris bai pinis na em bai pinis long wanem taim.”