Rot Bilong Autim Tok

Bilong Kirapim Baibel Stadi Long Namba 1 Sarere Bilong Jun

“Klostu olgeta man mipela i toktok long ol, ol i laik bai bel isi i stap long graun. Tasol maski i olsem, i gat planti woa i stap. Yu ting bilong wanem na i hatwok long bel isi i kamap long graun?” Larim man i bekim tok. Orait soim em laspela pes bilong Wastaua bilong Jun 1, na stori wantaim em long ol tok i stap aninit long namba 1 askim na ritim wanpela skripsa. Tilim nius, na stretim rot long go bek na stori long namba 2 askim.

Harim: Yupela i mas mekim dispela soim long pasin bilong tilim ol magasin long bung bilong autim tok long Jun 1.

Wasatua Jun 1

“Mipela i raun long dispela komiuniti na stori liklik long wanpela hevi i save painim yumi olgeta. Planti man i bin kisim hevi long ol man i gat tingting nogut long ol, long wanem, ol i bilong narapela lain. Yu ting i gat wanpela ples long graun i no gat pasin bilong ol man long tingim lain bilong ol yet i winim narapela lain? [Larim man i bekim tok.] Lukim Baibel i kamapim tingting bilong God long olgeta man. [Ritim Aposel 10:34.] Dispela magasin i stori long hau bai God i pinisim tru pasin bilong tingim wanpela lain i winim narapela lain.”

Kirap! Jun

“Mipela i laik kisim tingting bilong yu long wanpela samting. Em nomol samting long ol man i laik kisim gutpela sindaun. So yu ting yumi inap kisim gutpela sindaun long rot bilong baim planti samting? [Larim man i bekim tok.] Lukim gutpela tok Jisas i mekim. [Ritim Luk 12:15.] Dispela magasin i helpim yumi long kisim stretpela tingting long ol samting bilong skin na em i kamapim ol gutpela tok long hau bai yumi inap bosim gut pasin bilong yumi long baim planti samting.”