Rot Bilong Autim Tok

Bilong Kirapim Baibel Stadi Long Namba 1 Sarere Bilong Jun

“Mipela i laik stori liklik wantaim yu long dispela askim. [Soim namba 1 askim i stap long laspela pes bilong Wastaua bilong Jun 1.] Yu gat wanem tingting?” Larim man i bekim tok. Stori wantaim em long ol tok i stap aninit long namba 1 askim na ritim wanpela skripsa. Tilim magasin na stretim rot long go bek na stori long namba 2 askim.

Wastaua Jun 1

“Insait long wanpela yia, pasin bilong smok i kilim i dai olsem 6,000,000 manmeri. Yu ting i gat wanpela rot bilong stretim dispela hevi? [Larim man i bekim tok.] Planti man i bin skelim tingting bilong God long pasin bilong smok, na dispela i helpim ol long lusim o stop olgeta long smok. Olsem, dispela tok bilong Baibel i bin kirapim sampela long skelim olsem wanem smok inap bagarapim narapela. [Ritim 1 Korin 10:24.] Dispela magasin i stori long olsem wanem pasin bilong skelim tingting bilong God long smok inap kirapim man long lusim smok.”

Kirap! Jun 1

“Sosel netwok i mekim na ol manmeri i gat planti pren moa, winim bipo, tasol ol dispela pren ol i no pren tru. Long tingting bilong yu, wanem wanpela bikpela pasin em pren tru i mas i gat? [Larim man i bekim tok.] Lukim dispela em wanpela gutpela edvais bilong Baibel long wanem kain pasin em pren tru i mas i gat. [Ritim Jems 1:19.] Dispela magasin i kamapim 4-pela stiatok we inap helpim yumi long kamap kain man em ol narapela bai laikim yumi olsem pren.”